Búginde kóptegen júk tasymaldaýshylar Qazaqstan aýmaǵyna tirkelip, sanksıa erejelerin buzyp, Eýropa men odan tysqary jerlerden júk tasmaldap jatqany jasyryn emes.
Elimizdiń Kólikpen júk tasymaldaýshylar jáne ekspedıtorlar odaǵynyń basqarma tóraıymy Ásel Sadyqova Batys elderiniń Reseıge salynǵan sanksıadan keıin Qazaqstan aýmaǵyna tirkelip, júk tasymaldaı bastaǵandarǵa qarsy erje kúsheıtiletinin alǵa tartty.
Odaq basshysynyń aıtýynsha, Reseıdiń Ýkrıanaǵa qarsy soǵys ashyp, sanksıaǵa ushyraǵannan keıin Reseı men Bellorýstiń 5 myńnan astam júk tasymaldaýshysy Qazaqstan naryǵyna tirkelip, qazaqstandyq kvotany paıdalanyp Eýropadan jáne keri qaraı júk tasymaldaı bastaǵan.
Nátıjesinde elmizde halyqaralyq júk tasmaldaýshylar 2,3 ese artyp, elimizdegi fýralardyń sany 16 myńǵa kóbeıgen.
Elimizdiń júk tasymaly naryǵyna emin-erkin kirgen orys pen belorýs fýralary Qazaqstandaǵy júk tasymalynyń 70%-yn ıemnedip, otandyq júk tasymaldaýshylardy jumyssyz qaldyrǵan.
Osydan keıin otandyq júk tasymaldaýshylar dabyl qaǵyp, buǵan shekteý qoıýdy talap ete bastapty.
Osy máselegi Úkimet nazar aýdaryp, Reseı men Belorýs júk tasymaldaýshylarynyń Qazaqstan naryǵynda júk tasymaldaýyna shekteý qoıatyn sharalardy qabyldaýdy kózdep otyr.
