Senat depýtaty Nurtóre Júsip qazaq jazýshylary ómirge kelgen aýyldardyń jabylyp jatqanyn synǵa alyp, Úkimet basshysy Oljas Bektenovke depýtattyq saýal joldady, dep habarlaidy Dalanews.kz.
Sóz basyn ol demografiialyq saiasattan bastady. Onyń aitýynsha,bul máseleler áli kúnge deiin sheshimin tappai kele jatyr.
“Máselen, elimizde demografiialyq salada ýákiletti organ anyqtalmaǵan. Demografiialyq zertteýler júiesin boljaý da qurylmaǵan. Demografiialyq saiasat máselelerinde memlekettiń naqty ustanymy anyqtalmaǵan. Senattyń demografiia saiasatyna qatysty kótergen ózekti máselelerdiń bárin Úkimet elemeitin bolsa, syrǵytpa jaýaptarmen qutylsa, sonda Úkimet saǵatyn ne úshin ótkizdik? Úkimet bergen jaýap bizdiń kóńilimizdi kónshitpeidi. Demografiialyq syn-qaterler, halyqtyń qartaiýy, baqylanbaityn ýrbanizatsiia jáne kóshi-qon, halyqtyń shamadan tys ólimi máselelerine júieli jáne shuǵyl sheshimder qajet", - dedi senator.
Senatordyń sózinshe, sońǵy jyldary soltústik óńirlerde adamdar sany kúrt azaiǵan.
"Ulttyq statistikasy biýrosynyń deregine súiensek, Soltústik Qazaqstan oblysynda kóshi-qon saldosy 2024 jylǵy 1 shildede teris boldy – minýs 3396 adam. Sondai-aq SQO boiynsha tabiǵi ósim myń adamǵa shaqqanda teris saldoǵa teń – minýs 1,94 adam. Soltústik Qazaqstan, Qostanai jáne Pavlodar oblystarynda týǵan adamdardyń sany jyl saiyn azaiyp jatyr", - dedi Nurtóre Júsip.
Osyǵan bailanysty qazirgi tańda qazaq jazýshylary týǵan aýyldar jabylyp jatqanyn alǵa tartty.
“Qurmetti Oljas Abaiuly, óńirlerge jumys sapary barysynda halyqpen kezdesýler ótkizip keldik. Demografiiaǵa qatysty suraqtar taǵy aldymyzdan shyqty. Mysaly, Soltústik Qazaqstan oblysyndaǵy Sábit Muqanov aýyly jabylǵan. Halyq jazýshysy Safýan Shaimerdenovtiń aýyly jabylýǵa jaqyn. Eńbek eri, qazaq ádebietiniń klassigi Ǵabit Músirepov týǵan Jańa jol aýylynyń da taǵdyry qyl ústinde tur", - dep qosty depýtat.
Osy tusta ol soltústik óńirlerde áleýmettik-ekonomikalyq damý baǵdarlamasyn dereý qolǵa alýdy, aimaqtarǵa jastardy tartý, zeinetaqy jáne áleýmettik qyzmetterdi jaqsartý boiynsha máselelerdi jedel pysyqtap, naqty sheshimder qabyldanýy kerek ekenin jetkizdi.
