Shilde aiynyń sońynda elordasy - Astanada HIII Halyqaralyq «Eýraziia» kinofestivali aiasynda ótken «Bes qurlyq» balalar filmderiniń festivalinde «SAQ» kinostýdiiasynyń «Qazaq Eli» tolyqmetrajdy animatsiialyq filmi «Eń úzdik stsenarii» nominatsiiasyn jeńip aldy. Atalǵan baiqaý Kann, Berlin, Venetsiia syndy «A» klassty festivaldermen teń dárejede prodiýserlik qaýymdastyqtyń Halyqaralyq odaǵynda (FIAPF) tirkelgen, Orta Aziiadaǵy orasan zor kinoforým bolyp tabylady.
Saltanatty sharada «Qazaq eli» animatsiialyq filminiń rejisseri, oblystyq Mádeniet basqarmasynyń «Ońtústikfilm» KMM-niń direktory, «SAQ» kinostýdiiasynyń belgili stsenaristi, rejisser Batyrhan Dáýrenbekovke kinofestivalge belsene qatysyp, balalar kinosynyń damýyna yqpal jasaǵany úshin QR Tuńǵysh Prezidenti - Elbasy Qorynyń arnaiy júldesi men «Alǵys haty» saltanatty túrde tapsyryldy.
Festivaldiń baǵdarlamasynda Qazaqstan, Frantsiia, Niderland, Qytai, Aýǵanstan, Iran, Týnis, Perý, Úndistan, Meksika, Ispaniia, Italiia, Daniia, Grýziia jáne t.b. elderdiń shyǵarmashylyq toptarynyń jumystary kórsetildi. Sonymen qatar, «Bes qurlyq» balalar kinofestivaliniń ashylý saltanatyna «Oskar», «Altyn globýs» syndy kino ónerindegi bedeldi syilyqtardyń iegeri, amerikalyq akter, prodiýser, kinorejisser Nikolas Keidj qatysty.
