«Slavian bazary» baiqaýynyń bas júldesin qazaqstandyq ánshi Rýhiia Baidúkenge baiqaýdyń qazylar alqasynyń tóraǵasy Anatolii Iarmolenko tabystady. Baiqaýdyń jabylý saltanatynda Dimash Qudaibergen óner kórsetti.
Rýhiia Baidúken 1998 jyly Taldyqorǵan qalasynda dúniege kelgen.
Ol Qazaq Ulttyq óner ýniversitetinde «Estrada jáne vokal» mamandyǵynda oqidy. Onyń daýysy tórt jarym oktavaǵa jetedi.
«Men ónerge bala kezimnen qushtarmyn, otbasymda Baidúken atam ónerge jaqyn boldy. 4 synyptan bastap Taldyqorǵan qalasyndaǵy Óner mektebinde vokal synybynda bilim aldym.
Qazir vokaldan sabaq beremin jáne meniń oqýshylarym – bir-birine uqsamaityn jeke tulǵalar. Onyń arasynda 5 jasar bala da bar, 30-dan asqan eresekter de bar. 22 jasymda ustazdyqty birge alyp júrý – úlken mindet dep oilaimyn. Onyń barlyǵy adamnyń ósýine kómektesedi», - deidi jas ánshi.
Aita keteiik, «Slavian bazary» baiqaýy 1992 jyldan beri ótkizilip keledi. 2015 jyly Dimash Qudaibergen, al 2019 jyly – Ádilhan Makin Qazaqstan atynan qatysyp, bas júlde ielengen edi.
Derekkóz: inform.kz
https://youtu.be/H05G-s56pHw
https://youtu.be/YkQorEbDjMg
