«QazAgro» – áielder kásipkerligin qoldaidy
Halyqaralyq forým sheńberinde ótken joǵary deńgeidegi «Aýyl áielderimen birlesip ashtyq pen kedeilikti joiý úshin kúshterin aktivtendirý» jónindegi is-sharalardyń birinde «QazAgro» holdingi» AQ Basqarma tóraǵasynyń orynbasary Aigúl Muhamadieva baiandama jasady.
«QazAgronyń» ókili Holdingtiń qyzmetiniń mańyzdy baǵyttarynyń biri retinde Qazaqstannyń aýyl sharýashylyǵyndaǵy áielderdiń kásipkerligin damytý týraly aitty. Onyń keltirgen statistikalyq málimetterine sáikes, Qazaqstannyń ekonomikasyndaǵy áielderdiń kóp bóligi agrarlyq salaǵa tiesili. Ol genderlik kózqaras jaǵynan ekonomikanyń eń kópshilikke málim salasynyń úshtigine kiredi: ekonomikadaǵy jumys basty áielderdiń jalpy sanynyń 17% -y aýyl sharýashylyǵynda jumys isteidi (saýda – 19%, bilim salasynda – 19%).
Óz baiandamasynda A.Muhamadieva aýyl sharýashylyǵyndaǵy respýblika boiynsha ózin jumyspen qamtityn áielderdiń úlesiniń jalpy sanynyń shamamen 51%-yn aýyl sharýashylyǵynda jumys isteitin áielder quraitynyn atap ótti. Osylaisha, eger basqa genderlik-baǵdarly salalarda áielder negizinde jaldamaly jumysker bolyp tabylsa, agrarlyq sektorda olar ózderi aýylsharýashylyq ónimderin shyǵarady, sonyń ishinde – jeke qosalqy sharýashylyqtarda.
Osyǵan bailanysty, Úkimetpen qabyldanǵan «QazAgro» holdinginiń ókiliniń aitýy boiynsha 2017-2021 jyldarǵa arnalǵan ónimdi jumyspen qamtýdy jáne jappai kásipkerlikti damytý baǵdarlamasy aýyldaǵy áielderdiń kásipkerligin damytý úshin úlken múmkindikter beredi. «QazAgro» holdingi», osy baǵdarlamany aýyldyq jerlerde iske asyrýshy retinde áielderdiń kásipkerligin damytýǵa jáne aýyldaǵy áielderdiń ahýalyn jaqsartýǵa úles qosady. Sonymen, 2016 jyly Holdingpen berilgen qaryzdyń jalpy sanynyń 36,6%-y áielderge berilgen (jyl saiyn úles 3-5%-ǵa ósedi).
«Atameken» ulttyq kásipkerler palatasynyń kásipkerlik negizine oqýǵa «Bastaý» baǵdarlamasy boiynsha 2016 jyldyń ózinde 180 adam oqytyldy, onyń 53%-y áielder.
Óziniń baiandamasynyń sońynda Aigúl Muhamadieva aýyldaǵy áielderdiń kásipkerligin damytý máselesiniń jumyssyzdyqty tómendetý maqsatyndaǵy mańyzdylyǵyn atap ótti jáne BUU halyqaralyq deńgeide osy máseleni talqylaýǵa bergen múmkindigi úshin alǵysyn aitty.
Qazaqstan Respýblikasynyń resmi delegatsiiasy áielderdiń ahýaly jónindegi BUU komissiiasynyń 61-shi sessiiasynyń jumysyna qatysatynyn eske salamyz, ol osy kúnderi BUU Niý-Iorktegi shtab-páterinde ótýde jáne áielderdiń eńbek salasyndaǵy ózgeris konteksinde ekonomikalyq múmkindikterin keńeitý taqyrybyna arnalǵan. Áielderdiń diskriminatsiiasymen kúresý jáne áielderdiń kásipkerligin damytý jónindegi tájiribelerimen álemniń 170-nen astam elinen kelgen qatysýshylar bólisedi. «QazAgro» ulttyq holdinginiń ókili QR Ulttyq ekonomika ministri, QR Prezidenti janyndaǵy áielder isi jáne otbasy-demografiialyq saiasaty jónindegi komitettiń múshesi M. Ábilqasova bastaǵan delegatsiianyń quramyna kiredi.
