Ramazan aıynan keıin qaza orazasyn óteý tártibi kópshilik úshin ózekti, dep habarlaıdy Dala News.

Qaza oraza qaı kestege qarap ustalady?
Qaza oraza kúndelikti namaz ýaqyttarynyń kestesine saı ustalady.
– Tań namazynyń kirýi – aýyz bekitý ýaqyty;
– Aqsham namazynyń kirýi – aýyz ashý ýaqyty.

Qaza orazaǵa nıet qalaı jasalady?
Arnaıy bekitilgen duǵa joq. Nıet júrekpen jasalady. Aıtýǵa bolatyn úlgi:
«Alla razylyǵy úshin Ramazannan qalǵan qaza orazasynyń birinshi (nemese kelesi) kúnin óteýge nıet ettim».

Qaza orazany qaı ýaqytqa deıin óteý kerek?
Hanafı mázhabynda qaza orazany óteýdiń naqty merzimi shektelmegen.
Kelesi Ramazanǵa deıin de, odan keıin de óteýge bolady.
Degenmen, keshiktirmeı óteý abzal.

Qaza orazany úzbeı ustaý mindet pe?
Joq. Úzbeı ustaý talaby tek 60 kúndik káffárat orazasyna qatysty.
Qaza orazany bólip-bólip óteýge bolady.

Qaza orazany ádeıi buzsa, 60 kún káffárat kerek pe?
Joq. Ádeıi buzý – kúná, biraq káffárat mindettelmeıdi.
Sol kúndi qaıta ustap óteıdi.

Qaza orazasy bar adam nápil oraza ustaı ala ma?
Hanafı mázhaby boıynsha ruqsat.
Alaıda, aldymen qaza orazany óteý – mańyzdyraq.

Qaza orazany aıttan keıin birden ustaý shart pa?
Oraza aıttyń ekinshi kúninen bastap qaza oraza ustaýǵa bolady.
Úsh kún aıt bitkenin kútýdiń qajeti joq. Aıt merekesi tek bir kún.

Qysqasy, qaza oraza – ótelýi mindet ǵıbadat, al ony qalaı jáne qashan óteý adamnyń óz múmkindigine qaraı júzege asady.