Kúni keshe ǵana quqyq qorǵaý organdarynyń vedomstvoaralyq komısıa kezekti otyrysynda sóz sóılegen QR Bas prokýrory Berik Asylov «Joǵarǵy Sottyń sheshimi elordadaǵy «Dýman» qonaq úı kesheniniń ıelerinen 1,3 mıllıard teńge óndirýdiń múmkindigi týdy» dep osyǵan deıin Darıǵa Nazarbaevanyń ıeliginde bolǵan qonaq úıden qomaqty qarjy memleketke qaıtarylatynyn atap ótti.
Bastapqy «Dýman» qonaqúıi «QazMunaıGaz» kompanıasynyń ıeleginde bolǵan-dy.
2014 jyldyń kúzinde jekeshelendirýdiń «ekinshi tolqyny» júrgen kezinde kompanıa jeke kompanıaǵa satylyp ketken.
Sol kezde jeke kompanıa elorda tórindegi qonaq úıdi «Armanıa» JSHS eshqandaı tendersiz, tómen baǵada satyp alǵan.
Sol kezdiń ózinde «Armanıa» kompanıasynyń túpki ıeleri Qaırat Sháripbaev pen Darıǵa Nazarbaeva bolǵan. Biraq ol kezde Nazarbaev áýletiniń aq degen alǵys, qara degeni qarǵys bolyp turǵandyqtan, bul máseleni eshkim batyly baryp aıta almaǵan-dy.
Aıtpaqshy, Forbes Kazakhstan jýrnaly 2023 jyldaǵy eldiń eń baı kásipkerleriniń reıtıńisin túzgen kezde «A-Service Management» JSHS (Astanadaǵy 4 juldyzdy «Dýman» qonaq úıiniń ıesi ) Darıǵa Nazarbaevaǵa tıesili ekenin jazǵan-dy.
