5,6 mlrd teńge kólemindegi qaitarylǵan aktivter Abai oblysyndaǵy meditsinalyq nysandardyń qurylysyna jumsalady,- dep habarlaidy Dalanews.kz.
Arnaýly memlekettik qordan Abai oblysynda densaýlyq saqtaý salasyndaǵy jobalardy júzege asyrýǵa 5,6 mlrd teńge bólindi. Qarajat óńirdegi infraqurylymdy jaqsartýǵa jáne meditsina sapasyn arttyrýǵa baǵyttalǵan.
"Úrjar aýylynda kópsalaly ortalyq aýdandyq aýrýhanaǵa qosymsha korpýs salýǵa jáne zamanaýi meditsinalyq tehnikamen jaraqtandyrýǵa jumsalady. Aiagóz qalasynda kópsalaly ortalyq aýdandyq aýrýhanaǵa qosymsha korpýs salynyp jatyr, munda magnit-rezonans tomograf ornatylady", - dep jazylǵan habarlamada.
Aita keteiik, nysandardy biyl paidalanýǵa berý josparlanyp otyr.
