Jýyrda eks-prezidenttiń nemere inisi Qairat Satybaldyulynyń burynǵy áieli Gúlmira Satybaldyǵa qatysty taǵy bir isti tergeý aiaqtalǵany belgili boldy. Sybailas jemqorlyqqa qarsy qyzmet ókilderi osy tergeý barysyna qatysty pikir bildirdi, - dep habarlaidy Dalanews.kz.
Antikor ókili Satybaldy men ózge de adamdarǵa qatysty birneshe derek boiynsha tergeý júrgizilgenin málimdedi.
"Agenttik kúdikti Gúlmira Satybaldy men basqa da adamdarǵa qatysty bas bostandyǵynan zańsyz aiyrý, asa iri mólsherde bopsalaý, aýyr zardaptarǵa ákep soqqan ózin-ózi basqarý derekteri boiynsha sotaldy tergep-tekserýdi aiaqtady. Gúlmira Satybaldyǵa qatysty Almaty tergeý sotynyń sanktsiiasymen qamaýda ustaý túrindegi bultartpaý sharasy tańdaldy", - dedi Antikor ókili.
Buǵan deiin de Qairat Satybaldyulynyń burynǵy jubaiyna qatysty isti tergeýmen Sybailas jemqorlyqqa qarsy is-qimyl agenttigi ainalysqany belgili boldy.
"Sybailas jemqorlyqqa qarsy qyzmet Gúlmira Satybaldy men basqa adamdardy Qylmystyq kodekstiń 126-baby, 3-bóligi, 3-tarmaǵy ("Bas bostandyǵynan zańsyz aiyrý abaisyzda jábirlenýshiniń ólimine ne ózge de aýyr zardaptarǵa ákep soqsa" - esk.), 194-bóligi, 4-bóligi, 2-tarmaǵy ("Qorqytyp alý, asa iri mólsherde jasalsa" - esk.) jáne 389-baby, 4-bóliginde ("Ózinshe bilik etý, osy baptyń ekinshi nemese úshinshi bólikterinde kózdelgen, aýyr zardaptarǵa ákep soqqan is-áreketter" - esk.) kózdelgen qylmystyq quqyqbuzýshylyqtardy jasady degen kúdik boiynsha tergeýdi aiaqtady", - dep habarlady sol kezde Sybailas jemqorlyqqa qarsy is-qimyl agenttigi.
Aita keteiik, Qyzylorda soty Gúlmira Satybaldyny 8 jylǵa bas bostandyǵynan aiyrǵan edi.
Onyń isi boiynsha sottalýshylar oryndyǵynda 7 adam boldy. Olar 198-baptyń 4-bólimi 2-tarmaǵy boiynsha aldyn ala sóz bailasý arqyly asa iri mólsherde senip tapsyrylǵan múlikti urlaǵany úshin aiyptaldy.
2018-2020 jyldar aralyǵynda Satybaldy Qyzylorda qalasyndaǵy Syrdariia ózeniniń sol jaǵalaýyn jylytý jobasy boiynsha jumystardy oryndamaǵan, senip tapsyrylǵan múlikti asa iri mólsherde jymqyrǵan. Sottalýshylar D. jáne B. qyzmettik jaǵdaiyn paidalanyp, aiaqtalmaǵan jumystardy qabyldaý-tapsyrý aktisine qol qoiǵan.
Sottalýshylardyń is-áreketteri saldarynan 441 million teńge kóleminde zalal keltirgeni aityldy.
Sottalýshy S. Qylmystyq kodekstiń 189-baby 4-bóligi 2-tarmaǵynda kózdelgen qylmysty jasaǵany úshin kináli dep tanyldy. Ol 8 jylǵa bas bostandyǵynan aiyryldy.
Qalǵan sottalýshylar 7 jylǵa bas bostandyǵynan aiyryldy. Al 441 million teńge memleketke qaitaryldy.
