Qazaqstannyń eks-prezidenti Nursultan Nazarbaevtyń nemere inisi Qairat Satybaldynyń jazasyn shekteý sharasyna aýystyrý týraly ótinishi qanaǵattandyryldy, dep habarlaidy Dalanews.kz.
Bul týraly Óskemen soty habarlady.
"Óskemen qalasynyń №2 soty sottalǵan Qairat Satybaldynyń jazasynyń ótelmegen bóligin jazanyń neǵurlym jeńil túrine aýystyrý týraly ótinishhatyn qarady. Qairat Satybaldy múlki tárkilenip, memlekettik qyzmet atqarý quqyǵynan 10 jylǵa deiingi merzimge aiyryla otyryp, 6 jylǵa bas bostandyǵynan aiyrylǵan bolatyn. Sottalǵan óziniń ótinishhatynda jazasynyń ótelmegen bóligin neǵurlym jeńil túrine aýystyrý týraly ótinishhatyn berý úshin zańnyń barlyq talaptaryn oryndaǵanyn atap kórsetken", - dep jazdy sot.
Eske salaiyq, kúni keshe májilis depýtaty Ermurat Bapi belsendi túrde aktivterin qaitaryp jatqan Qairat Satybaldyuly bostandyqqa shyǵýy múmkin dep qaýiptenip otyrǵanyn jetkizgen edi.
Bul týraly depýtat Facebook paraqshasynda jazdy.
"Ony (Satybaldyulyn) merziminen buryn shartty túrde bosatýǵa nemese amnistiia jasaýǵa daiyndap jatyr ma? Urlaǵan aktivterin óz erkimen qaitaryp jatqany jaqsy. Biraq ol memleket qazynasyna túse me? Resmi derekterge sený ne senbeý ǵana qaldy. Sebebi qaitarylǵan aktivterdi baqylap otyratyn 100 paiyz memlekettik kompaniiada qoǵamdyq baqylaý joq", - deidi Ermurat Bapi.
Aita keteiik, buǵan deiin Qairat Satybaldydan qaitarylǵan dúnie-múliktiń tizimi jariialanǵan bolatyn.
Sybailas jemqorlyqqa qarsy qyzmet Qairat Satybaldyulyna qatysty “Qazaqtelekom” AQ, “Kólik servis ortalyǵy” AQ qarajatyn asa iri mólsherde jymqyrý, qylmystyq jolmen alynǵan aqshany jáne ózge de múlikti zańdastyrý, sondai-aq kedendik bajdardy tóleýden jaltarý faktileri boiynsha qylmystyq isterdi tergedi. Antikor onyń nátijelerin jariialady.
Aita keterligi, qaitarylǵan aktivterdiń jalpy somasy 732,8 mlrd teńgeni quraidy, olar:
"Qazaqtelekom" AQ aktsiialarynyń 28,8% - 93,8 mlrd tg.
"KSO" AQ – 30,2 mlrd tg.
4 kompaniiadaǵy qatysý úlesi – 10,3 mlrd tg.
Qazaqstandaǵy múliktik aktivter – 158,5 mlrd tg.
Ekskliýzivti zergerlik buiymdar – 105,39 mlrd tg. (230 mln.$)
Qazaqstandyq shottardaǵy aqsha – 36,8 mlrd tg.
Avstriiadan kelgen aqsha – 36,8 mlrd tg. (82,1 mln.$)
Lihtenshteinnen túsken aqsha – 116,7 mlrd tg. (260,5 mln.$)
BAÁ-nen kelgen aqsha – 6,3 mlrd tg. (14 mln.$);
Túrkiiadan kelgen aqsha – 2,2 mlrd tg. (4,92 mln.$);
Baǵaly qaǵazdardy satý – 135,8 mlrd tg. (300 mln dollar).
