Almatyda ótetin "Qairat" – "Real Madrid" matchin tamashalaý úshin 26-29 qyrkúiek aralyǵynda 5 myńnan asa sheteldik qonaq keldi, dep habarlaidy Dalanews.kz.
Qazaqstannyń ózge óńirlerinen kelgen jankúierlermen birge jalpy kórermen sany ondaǵan myń adamǵa jetti. Bul týraly Almaty qalasy Týrizm basqarmasy habarlady.
Negizgi týrister legi Qytai, Úndistan, Resei, Qazaqstannyń basqa oblystarynan, sondai-aq, Japoniia, Ulybritaniia, Ispaniia, Chehiia, TMD jáne ózge de Eýropa memleketterinen kelgen.
Almaty ákimdiginiń aqparatyna súiensek, matchtiń ekonomikalyq áseri aitarlyqtai joǵary bolmaq.
Mastercard kompaniiasynyń málimetinshe, Almatyǵa kelgen sheteldik týristiń ortasha shyǵyny shamamen 1 500 AQSh dollaryna jetedi. Bul qarjyǵa qonaqúide turý, tamaqtaný, kólik, oiyn-saýyq pen saýda kiredi.
