Jambyl oblysynda qaýipti óndiristik qaldyqtarmen jumys isteý kezinde ekologiialyq zańnama talaptarynyń óreskel buzylǵany anyqtaldy, dep habarlaidy Dalanews.kz.
Prokýratýra júrgizgen taldaý nátijesinde óńir aýmaǵynda birqatar kásiporyndar óndiristik qyzmet barysynda qaýipti qaldyqtar túzetini belgili bolǵan. Olardyń qatarynda paidalanylǵan jabdyqtar men mailar, burǵylaý qaldyqtary jáne quramynda ziiandy zattar bar ózge de óndiristik qaldyqtar bar.
Alaida oblysta qaýipti qaldyqtardy zalalsyzdandyratyn arnaiy poligondardyń bolmaýy saldarynan keibir tabiǵat paidalanýshylar zańdy ainalyp ótip, tak nazyvaemyi «sur shemalarǵa» júgingen. Atap aitqanda, ekologiia departamentine qaldyqtar litsenziiasy bar uiymdarǵa tapsyryldy degen esepter usynylǵanymen, is júzinde olar tiisti ruqsaty joq kompaniialarǵa berilgen nemese sharttar tek qaǵaz júzinde jasalyp, oryndalmaǵan.
Mundai áreketter qaýipti qaldyqtardyń baqylaýsyz jerlerge tógilýine jol ashyp, qorshaǵan ortaǵa ziian keltirý qaýpin týdyrǵan. Prokýratýra málimetinshe, bul jaǵdailar turǵyndardyń densaýlyǵyna da tikelei qaýip tóndirýi múmkin.
Qadaǵalaý aktisi negizinde ekologiia salasyndaǵy ýákiletti organ segiz kásipkerlik sýbektisine qatysty QR ÁQBtK-niń 344-babynyń 4-bóligi boiynsha ákimshilik is qozǵady. Jalpy aiyppul kólemi shamamen 5 mln teńgeni qurady. Sonymen qatar zańbuzýshylyqqa jol bergen obektilermen buryn jasalǵan qaldyqtardy joiý jónindegi sharttar buzyldy.
Qaýipti qaldyqtarmen jumys isteý salasyndaǵy zańsyzdyqtardy anyqtaý jáne aldyn alý sharalary jalǵasyp jatyr. Atalǵan másele oblystyq tabiǵat qorǵaý prokýratýrasynyń turaqty baqylaýynda.
