Shyǵys Qazaqstan oblysynyń ákimi Ermek Kósherbaev aýa raiyna bailanysty oblys turǵyndaryna videoúndeý joldady, dep habarlaidy Dalanews.kz.
Kósherbaevtyń aitýynsha, sońǵy kúnderi oblysta eki aiǵa tatityn qar jaýǵan. Tipti keibir jerlerde qar deńgeii bir metrden asqan. Osyǵan jaǵdaiǵa bailanysty Shyǵys Qazaqstan oblysynda alty respýblikalyq jáne segiz aýdandyq mańyzy bar tas joldary jabylǵan.
"Barlyq memlekettik qyzmet kúsheitilgen jumys rejimine kóshti. 400-ge jýyq tehnika jumyldyrylyp, jedel jeli ashyldy. Eriktiler jeke sektordaǵy qardy tazalaýǵa kómektesýde. Barlyq qyzmetkerge kúndiz-túni sharshamai eńbek etip jatqany úshin alǵys aitamyn. Qar kóshkini qaýpi bar aimaqtarǵa «Qazselzashita» mamandary jóneltildi. Olardyń sany oblysymyzda - 487. Qala jáne aýdan ákimderine tótenshe jaǵdai kezinde shuǵyl áreket etýge bailanysty tiisti tapsyrmalar berildi. Qar jaýǵan soń aýa temperatýrasy minýs 35 gradýsqa deiin tómendeidi dep kútilýde. Barlyq oblys turǵyndaryn qaýipsizdik sharalaryna bei-jai qaramaýǵa shaqyramyn. Asa qajet bolmasa, eldi mekenderden shyqpańyz. Jaǵdai jeke baqylaýymda bolady", - dep málimdeme jasady Shyǵys Qazaqstan oblysynyń ákimi Ermek Kósherbaev.
