RIA Novosti habarlaǵandai, kezdesý Qyrǵyzstanda ótetin Eýraziialyq úkimetaralyq keńestiń otyrysy aldynda boldy.
"Men osy uiymnyń Qurmetti tóraǵasy retinde bárin baqylap otyrmyn jáne bul uiymdy nyǵaitýymyz kerek, basqalar da osynda bolatyndai, kórshilerdi aitamyn...
Ózbekstan, Tájikstan Eýraziialyq odaqtyń quramynda bolýy kerek, bizge Túrkimenstanmen de jumys isteý kerek", - dedi Nursultan Nazarbaev.
EAEO - Keden odaǵy men Birtutas ekonomikalyq keńistik negizinde qurylǵan, 2015 jyldyń 1 qańtarynan bastap jumys istep jatqan halyqaralyq ekonomikalyq integratsiialyq birlestik.
EAEO músheleri - Resei, Armeniia, Belarýs, Qazaqstan jáne Qyrǵyzstan memleketteri.
...
Budan buryn Dalanews.kz Ózbekstan Eýraziialyq odaqqa baqylaýshy statýsynda qosylǵanyn habarlaǵan.
Bul jaiynda Reseidiń Syrtqy ister ministri Sergei Lavrov arnaiy málimdeme jasap, Ózbekstannyń bul sheshimine dán riza ekenin aitqan.
Onyń atap ótkenindei Eýraziialyq odaqtyń yqpalyn arttyryp, qulashyn keńeite túsý uiymnyń basty muratynyń biri.
“Odaqtas elder sonyń negizinde alys-barys, barys-kelisti jaqsartyp, ekonomikalyq ál-qýatyn kóterýge múmkindik alady”, – degen edi Lavrov.
Ózbekstannyń Eýraziialyq odaqtyń quramyna baqylaýshy retinde qosylýy Kreml ideologtarynyń kópten beri kóksep júrgen armany.
Máskeý bul máseleni Ózbekstannyń óz ishindegi reseishil saiasatkerlerdiń aýzyna salyp, Mirziiaev prezident bolǵaly belsendi úgitteýmen keldi.
Budan buryn ózbek úkimeti “Eýraziialyq odaqpen áriptesýdiń joldaryn izdep jatqanyn” málimdegen.
Sonyń aldynda Dalanews.kz-ke suhbat bergen ózbek sholýshysy Bahtiiar Erǵashev Kremldiń Ózbekstandy uiymǵa qosýǵa yntyq ekenin, Kárimov biligi kezinde Tashkenttiń osy blokqa umtylmaǵanyn aitqan.
Bilikke Shavkat Mirziiaev kelgen tustan odaqqa qosylý týraly talqylaýlar qaita qyzǵan.
https://dalanews.kz/news/65421-ozbekstan-euraziialyq-odaqtyng-baqyla
