Prezident Qasym-Jomart Toqaev, eń aldymen, Emiliia-Romania aimaǵynda bolǵan joiqyn sý tasqyny saldarynan adamdardyń qaza tabýyna bailanysty Premer-ministrge jáne barsha Italiia halqyna kóńil aitty.
Áńgimelesý barysynda eki el basshylary saiasi, saýda-ekonomikalyq, investitsiialyq jáne gýmanitarlyq salalardaǵy yntymaqtastyqty damytý perspektivalaryn talqylady.
Byltyr eki eldiń ózara taýar ainalymy 11 milliard dollarǵa jýyqtady. Elderimiz ekonomikanyń túrli salasynda tyǵyz qarym-qatynas jasap keledi. Qazaqstanda Italiianyń 270-ten astam kompaniiasy tabysty jumys istep jatyr.
Sondai-aq memleketter basshylary energetika, kólik, ónerkásip kooperatsiiasy jáne aýyl sharýashylyǵy salalaryndaǵy birlesken jobalardy júzege asyrý aiasyndaǵy yntymaqtastyq perspektivalaryn qarastyrdy.
