Qasapshylar seminardan ótip, kýálikke ie boldy
Sharada seminar tyńdaǵan 5 qasapshyǵa kýálik berildi. Sonymen birge, osy ýaqytqa deiin 20 qasapshy halal standarty boiynsha seminarǵa qatysyp, shariǵat talaptaryna sai mal baýyzdaý máselelerin talqylap, tolyq maǵlumatqa ie boldy.
Qasapshylarǵa sertifikat berý barysynda «Halal damý» JShS-niń direktory Beibit Myrzageldiev aǵzadaǵy infektsiia qanǵa baryp jinalatyndyqtan, maldy soiǵanda odan aqqan qannyń syrtqa tolyǵymen shyǵýyna asa mán berý kerektigin aitty.
– Sońǵy ýaqytta et óndiretin kásiporyndar maldy elektr togymen nemese aýyr zattarmen uryp óltirý tásilin qoldanady. Osyndai tásildermen soiylǵan maldyń boiynda qan uiyp qalyp, tutynýshylarǵa infektsiia taratady. Mundai tásildermen baýyzdalǵan mal eti shariǵat talaptaryna sai emes. Osyndai joldarmen soiylǵan maldyń etin jegen adamnyń aǵzasynda túrli aýrýlar paida bolady. Sondyqtan, biz respýblika kóleminde qasapshylardy oqytýdy qolǵa alyp jatyrmyz. Ári Dini basqarma halal sertifikatyn alǵan kásiporyndardyń jumysyn jiti qaǵalaýda ustaidy. Eń aldymen sapa standartyn qadaǵalaýǵa basa mán beremiz, – dedi Beibit Myrzageldiev.
Aita ketsek, Qazaqstan musylmandary dini basqarmasy «Halal ónimderin standarttaý» bólimi, «Halal Damý» JShS qasapshylardy mal baýyzdaý jáne et óńdeý salasyndaǵy Halal standarty boiynsha «Shariǵat talabymen mal soiatyn qasapshy» atty oqý-seminaryna shaqyrady.
QMDB baspasóz qyzmeti
