Qarjy ministrligi 1,5 mlrd dollardyń eýrobondtaryn Astana qor birjasyna (AIX) shyǵaraǵaly jatyr. Bul - eýroobligatsiialardyń 2015 jyldan beri alǵash ret qor birjasyna shyǵarylýy. Ótinimderdi qabyldaý búgin, 3 qazanda bastalyp ta ketti, dep habarlaidy Dalanews.kz.
AIX saityndaǵy derekterge súiensek, bul qaǵazdardyń ainalymdaǵy merzimi 10 jyldy quraidy, bir eýroobligatsiianyń nominaldy quny - 200 myń dollar. Indikativti kýpondyq syiaqy mólsherlemesi - 4,87%. Birjaǵa 7,5 myń eýroobligatsiia shyǵarý josparlanyp otyr.
Bul - eýroobligatsiialardyń 2015 jyldan beri alǵash ret qor birjasyna shyǵarylýy.
Qarjy ministrligi 3 qazanda Astana ýaqyty boiynsha saǵat 14:00 - den 18:00-ge deiin áleýetti investorlardan ótinimder jinaý (býbilding) júrgiziletinin naqtylaidy. Odan keiin baǵaly qaǵazdardy 2024 jyldyń 7-8 qazanynda birjaǵa ornalastyrý josparlanyp otyr.
Qyzmet usynýshylary BCC INVEST-tiń qazaqstandyq brokeri, amkrialyq Citibank, J. P. Morgan investbanki, sondai-aq Société Générale CIB frantsýz brokeri bolmaq. Shyǵarylym menedjeri - BCC Invest. Aqsha aýdarylatyn shottyń benefitsiary TsentrKredit banki bolady.
2024 jyldyń 2 qazanynda Qarjy ministrligi halyqaralyq kapital naryqtaryna eýroobligatsiialardy shyǵarý protsedýrasy bastalyp ketkenin jariialady. Birinshi kezeńde jahandyq investorlarmen roýd-shoý ótkizý josparlanǵan bolatyn. Ekinshi kezeńde Qarjy ministrligi úshin tartymdy ólshemderdi kórsetýi tiis baǵaly qaǵazdy ornalastyrýdyń ońtaily sharttaryn anyqtaýǵa jáne ornatýǵa múmkindik beretin shara atqarylýy tis.
Resmi túrde atalǵan eýroobligatsiialar Qazaqstannyń álemdik qarjy salasyndaǵy ustanymyn odan ári nyǵaitý jáne memlekettik damý baǵdarlamalaryn turaqty qarjylandyrýdy qamtamasyz etý úshin shyǵarylyp jatqany naqtylynady.
10 jyldyq eýrobondtardy qor birjasyna shyǵarý týraly sóz alǵash ret 2023 jyly qozǵaldy. Kóp uzamai Qarjy ministrligi eýroobligatsiialar 2024 jyldyń jazynda shyǵarylýy múmkin ekenin málimdedi. Sol kezde Qarjy ministrligi 2023 jyl sátsiz kezeń boldy degen ýájdi alǵa tartqan.
2024 jyly tamyzda Bloomberg Moldova kásipkerleri, aǵaiyndy Anatolii men Gabriel Statilermen uzaqqa sozylǵan daýly is sheshilgennen keiin eýroobligatsiialar halyqaralyq birjaǵa shyǵarý bastamasy usynylǵanyn jazdy. Statidiń kesirinen Qazaqstan Tristan Oil ielerine 5 500 mln dollardy tóleýden bas tartqan bolatyn, soǵan bailanysty 2017 jyly Qazaqstannyń 2 28 mlrd dollar táýelsiz aktivteri buǵattaldy. Búginderi osy aktivterdiń basym bóliginiń buǵattan shyǵarylǵanyna qaramastan, Astana 2018 jylǵy eýroobligatsiialar boiynsha taǵy talap qoiý táýekeli baryn aityp, qaýiptenedi.
