Qardy ýaqytynda tazalamaǵan basqarma basshysy jumysynan bosatyldy
Búgin Almaty qalasynyń ákimi Baýyrjan Baibek qar tazalaý jumystary máselesine qatysty jiyn ótkizdi. Onda aýdan ákimderi, basqarma basshylary men qalalyq kommýnaldyq qyzmettegiler qatysqan.
Tabiǵi resýrstar jáne tabiǵatty paidalanýdy retteý basqarmasynyń jumysy nashar dep baǵalanǵan. Nátijesinde Tabiǵi resýrstar jáne tabiǵatty paidalanýdy retteý basqarmasynyń basshysy Eldar Kildibaev qyzmetinen bosatyldy.
"Biz bylai dep aitamyz: Almaty - adam turatyn qala, alaida joldar, qiylystar áli kúnge deiin tazalanbaǵan. Turǵyndardyń jaily jaǵdai jasaý kerek. Qoǵamdyq kólik qatynaityn joldardy tazalaý kerek", - dedi Baýyrjan Baibek.
"Jiyn qorytyndysy boiynsha Almaty ákimi aýdan ákimdiktegilerine, sondai-aq, qaladaǵy barlyq qyzmet ókilderine qar jaýǵan kezde osyndai jaǵdai qaitalanbas úshin qajetti sharalardy oilastyryp qoiýyn tapsyrdy", - dedi baspasóz qyzmetindegiler.
