Qazaqstan Respýblikasynyń Bas prokýratýrasy jáne Ishki ister ministrliginiń qyzmetkerleri Syrtqy ister ministrliginiń kómegimen qarjy piramidasyn qurǵany jánebasqarǵany úshin qylmystyq jaýaptylyqqa tartý maqsatynda kúdiktini Grýziiadan ekstraditsiialady.
Onyń qurǵan qylmystyq toby 2020 jyly Mańǵystaý oblysynda "Plus Capital" qarjy piramidasyn uiymdastyryp, 600-den astam salymshynyń jalpy somasy 3 mlrd teńgeden astam aqshalai qarajatyn, jyljymaly jáne jyljymaityn múlikterin zańsyz iemdengen.
Qylmystyq top músheleriniń bir bóligi túrli jaza túrlerine sottaldy, al kúdikti qylmys jasaǵannan keiin jasyrynǵan, soǵan bailanysty halyqaralyq izdestirýge jariialandy.
2023 jylǵy qarashada ol Grýziia aýmaǵynda ustaldy.
Qazirgi ýaqytta kúdikti Aqtaý qalasyndaǵy ýaqytsha ustaý izoliatoryna qamaldy.
Osy qylmysty jasaǵany úshin múlki tárkilenip, belgili bir laýazymdardy atqarý quqyǵynan ómir boiyna aiyra otyryp, 7jyldan 12 jylǵa deiingi merzimge bas bostandyǵynan aiyrý túrindegi jaza qarastyrylǵan.
