Qaraǵandy oblysynda birneshe ai boiy mal urlaǵan top ustaldy, dep habarlaidy dalanews.kz.
Nura aýdanynda kriminaldyq politsiia qyzmetkerleri aýyldastarynyń tórt túligin júieli túrde qoldy etken kúdiktiler tobyn ustady. Tergeý málimetine sáikes, olar naýryz aiynan bastap uiymdasqan túrde mal urlyǵymen ainalysyp kelgen. Birneshe ai ishinde keminde bes qylmystyq epizod jasap, óńir turǵyndarynyń 14 iri qarasy men 24 qoiyn qoldy etken.
Kúdiktilerdiń qylmystyq áreketi Qaraǵandy oblysy politsiia departamenti Nura aýdandyq politsiia bóliminiń kriminaldyq politsiia qyzmetkerleri júrgizgen keshendi jedel-izdestirý is-sharalary barysynda áshkerelendi. Ustalǵandardyń barlyǵy Nura aýdanyndaǵy aýyldardyń biriniń turǵyndary ekeni anyqtaldy. Tergeý barysynda kúdiktiler óz kinálaryn tolyq moiyndap, jasaǵan áreketterine ókinetinderin jetkizdi. Politseiler urlanǵan maldyń bir bóligin taýyp, zańdy ielerine qaitardy.
Atap aitqanda, jeti siyr men úsh qoi ielerine tabystaldy. Qalǵan maldyń Aqmola oblysy men Astana qalasynyń aýmaǵynda satylyp ketkeni anyqtaldy. Qazirgi ýaqytta olardy izdeý jáne zańdy ielerine qaitarý jumystary júrgizilýde. Atalǵan derek boiynsha sotqa deiingi tergeý jalǵasyp jatyr. Sonymen qatar politseiler ustalǵandardyń Nura aýdanynda jáne kórshiles óńirlerde jasalǵan osyǵan uqsas qylmystarǵa qatysy bar-joǵyn tekserýde. Jedel-izdestirý sharalarynyń nátijesinde birneshe ai boiy aýyl turǵyndaryn alańdatqan mal urlyǵynyń joly kesilip, urlanǵan maldy zańdy ielerine qaitarý jumystary júrgizilip jatyr.
