Qaraǵandyda shyn máninde joq joldy jóndeýge 328 million teńge bólinbek bolǵan,- dep habarlaidy Dalanews.kz.
Aqtoǵai aýdany prokýratýrasynyń narazylyǵy boiynsha aýdannyń is júzinde joq "Aqjaryq-Appaz" tasjolyn jóndeýge ashyq konkýrsy ótpei qalǵan. Óitkeni shyn máninde bul ýchaskede jergilikti jáne oblystyq deńgeidegi ýákiletti organdardyń balansynda eshqandai jol joq bolyp shyqqan.
Zań boiynsha jóndeý jumystary qoldanystaǵy tasjolda júrgizilýi kerek. Ol normaǵa sáikes qujattama boiynsha júzege asyrylady. Jergilikti ekonomika bólimi bul normany elemei, qurylys jobasy joq jańa tasjol salýǵa árekettengen. Sonymen qatar, qurylys-montaj jumystary boiynsha memlekettik satyp alýlar Qazaqstan Respýblikasy Qarjy ministriniń 2022 jylǵy 18 qańtardaǵy №46 buiryǵymen bekitilgen "Reitingtik-balldyq júieni paidalana otyryp, konkýrs arqyly júzege asyrylatyn taýarlardyń, jumystardyń, qyzmetterdiń" tizbesine engizilgen.
Osyǵan qaramastan, qurylys-montaj jumystary týraly habarlandyrý ashyq konkýrs arqyly ornalastyrylǵan. Aqtoǵai aýdany prokýratýrasynyń qadaǵalaý aktisi boiynsha bul konkýrs joiyldy.
