Qaraǵandy oblysy Nura aýdanynda sharýalardyń biri 14 jylqyny atyp, taǵy úsheýin jaralaǵan. Oblys ákimi Ermaǵanbet Bólekpaev atalǵan oqiǵaǵa qatysty pikir bildirdi. Ol mundai áreket adamgershilikke de, zańǵa da qaishy ekenin aityp, qylmystyq jaýapkershilikke ákeletinin jetkizdi, dep habarlaidy Dalanews.kz.
"Jylqylar onyń jerinde jaiylyp júrse de, máseleni basqa jolmen sheshýge bolar edi. Maldardy atý – qate ári zań boiynsha jazalanatyn áreket", – dedi Bólekpaev.
Ákimniń aitýynsha, kei aýdandarda jaiylym jerdiń jetispeýshiligi baiqalady. Degenmen mundai jaǵdailardy tek beibit kelisim men sóilesý arqyly sheshý qajet.
Sonymen qatar oblystaǵy jaǵdaidy jaqsartý úshin shamamen 1 million gektar jerdi ainalymǵa engizý josparlanýda. Bul sharýalar arasyndaǵy jer daýlaryn azaitýǵa baǵyttalǵan.
