Qaraǵandy oblysynda uiymdasqan qylmysqa qarsy kúres basqarmasynyń jedel ýákilderi prokýratýramen birlesip, qylmystyq toptyń áreketine tosqaýyl qoidy, – dep habarlaidy Dalanews.kz.
Ishki ister ministrligi málimetinshe, jedel izdestirý is-sharalary barysynda osy toptyń 12 qylmysqa qatysy bary anyqtaldy.
Jábirlenýshiler - "Qarmet" AQ qyzmetkerleri, jeke kásipkerler jáne joǵary oqý oryndarynyń stýdentteri. Kúdiktiler qoǵamdyq tártipti óreskel buza otyryp, qylmys jasaǵan.
"Olar uryp-soǵyp, múlikti tartyp alyp, aqsha bopsalaýmen ainalysqan. Toptyń 25 múshesi ustaldy. Onyń ishinde eń belsendi 10 adam qamaýǵa alyndy. Tintý barysynda atys jáne sýyq qarý, oq-dári, dini ádebiet pen iri kólemde qarajat tárkilendi", – dedi departament bastyǵy – IIM resmi ókili Shyńǵys Alekeshev.
Qazirgi tańda olardyń basqa da qylmystarǵa qatysy bar-joǵy tekserilip jatyr. Basqa aqparat tergeý múddesine sai jariia etilmeitini habarlandy.
