Qaraǵandyda dástúrli Tamyz keńesinde kitap oqýdy nasihattaýǵa, syni jáne analitikalyq oilaýdy damytýǵa, sondai-aq kitapty bilim men ziiatkerlik damýdyń negizgi kózi retinde nyǵaitýǵa baǵyttalǵan aýqymdy "Kitap oqityn ult" mádeni-aǵartýshylyq jobasy tanystyryldy, dep habarlaidy Dalanews.kz.
Bul joba Qazaqstan Respýblikasynyń Prezidenti Qasym-Jomart Kemeluly Toqaevtyń Atyraýda ótken Ulttyq quryltaidyń III otyrysynda aitylǵan tujyrymdamasy aiasynda júzege asyrylýda jáne Qazaqstandy álemdegi eń kóp oqityn on eldiń qataryna shyǵarýdy maqsat etedi.
"Kitap oqityn ult" jobasy aiasynda halyqtyń ártúrli toptaryn kitap oqý mádenietine tartýǵa baǵyttalǵan baiqaý bastaý alady. Baiqaý alty baǵyt boiynsha ótkiziledi:
- Kitap oqityn mektep;
- Kitap oqityn kolledj;
- Kitap oqityn ýniversitet;
- Kitap oqityn pedagog;
- Kitap oqityn áýlet;
- Kitap oqityn memlekettik qyzmetker
Árbir baǵyt úshin sarapshylar men tiisti sala ókilderiniń usynystary boiynsha ár baǵytqa sáikes 15 kitaptan turatyn tizim ázirlendi. Jalpy tizimge "100 kitap" Jalpyulttyq saýalnama nátijesinde tańdalǵan shyǵarmalar endi.
Ár sanattaǵy kitaptar tizimi qatysýshylardyń jas ereksheligine sáikes beiimdelip ázirlendi. Mysalǵa, "Kitap oqityn mektep" baǵytynda 6-10 synyp oqýshylaryna arnalǵan ár bir synypqa 15 kitaptan, jalpy 75 kitap tizimi daiyndaldy.
Qatysýshylar tizimdegi kitaptardy oqyp, shyǵarmashylyq tapsyrmalardy oryndap, ziiatkerlik saiystarǵa qatysady.
Joba 2025 jyly Qaraǵandy oblysynyń turǵyndarynyń ziiatkerlik áleýetin damytýǵa jáne oqýǵa degen turaqty ádetti qalyptastyrýǵa yqpal ete otyryp, 45 myńnan astam turǵyndy qamtýdy josparlap otyr.
Baiqaýdyń negizgi uiymdastyrýshylary – "AMANAT" partiiasynyń qoldaýymen, "Kitap oqityn ult – Chitaiýshaia natsiia" Qoǵamdyq qory jáne Qaraǵandy oblysynyń ákimdigi. Bas demeýshi – Alageum Electric kompaniiasy, al aimaq boiynsha seriktes – "RGB Grour" kompaniiasy bolyp tabylady.
Qordyń atqarýshy direktory Aian Sakoshev jobany tanystyra otyryp, onyń ulttyń rýhani jáne ziiatkerlik damýy úshin mańyzdylyǵyn atap ótti.
"Bizdiń missiiamyz – Qazaqstandy álemdegi eń kóp oqityn on eldiń qataryna qosý. "Kitap oqityn ult" jobasy Qasym-Jomart Kemeluly Toqaevtyń rýhani aǵartýshylyq peneldiń ziiatkerlik damýyna baǵyttalǵan strategiiasy aiasynda júzege asyrylýda. Biz barlyq jastaǵy toptardyń qyzyǵýshylyqtaryn eskerip, shabyttandyratyn jáne jeke tulǵanyń damýyna yqpal etetin kitaptar usyndyq", — dep atap ótti A. Sakoshev.
Óz kezeginde Qaraǵandy oblysynyń ákimi Ermaǵanbet Bólekpaev oqý mádenietin qalyptastyrýdy ulttyq damýdyń basty faktory retinde atap ótip, soǵan sáikes bilim berý uiymdarynda kitaphana servisterin damytyp, oqýshylardy, ustazdar men ata-analardy kitap oqýǵa belsendi tartýǵa baǵyttalǵan "Kitap oqityn ult" jobasyn júzege asyrýdy tapsyrdy.
Baiqaý 2025 jyldyń qyrkúieginen 2026 jyldyń naýryzyna deiin jalǵasady. Árbir baǵyttaǵy jeńimpazdar kelesdiei júldelerge ie bolady:
- 1-oryn: 1 000 000 teńge
- 2-oryn: 600 000 teńge
- 3-oryn: 400 000 tenge
Qaraǵandy oblysynyń turǵyndaryn, oqýshylardy, stýdentterdi, pedagogterdi, memlekettik qyzmetkerler men otbasylyq áýletterdi "Kitap oqityn ult" jobasyna qatysýǵa shaqyramyz.
Baiqaýǵa qatysyp, bilim álemin ashyńyz jáne Qazaqstanda oqý mádenietin ilgeriletýge baǵyttalǵan jahandyq missiianyń bir bóligi bolyńyz!
