Eks-senator Ýálihan Qaisarov Eski Qazaqstannyń qazirgi yqpaly týraly, sonymen qatar, sot júiesiniń bylyqtary jóninde ashyq aitty, - dep habarlaidy Dalanews.kz.
Onyń sózinshe, Ulytaý jáne Qaraǵandy oblystarynda eski klannyń yqpaly ózgergen.
"Qaraǵandy oblysy - ózimniń týǵan oblysym, Ulytaý oblysy - naǵashy jurtym. Sondyqtan eki oblys jaqsy tanymal. Únemi qatynap turmyn.
Nyǵmatýlinniń yqpaly azaidy dep aita alamyn. Kimniń, Qazaqmystyń yqpaly azaidy dep taǵy da aita alamyn. Óitkeni kezinde olardyń ekeýi Nazarbaevtyń qorǵaýynda júrgen adamdar-tuǵyn.
Ulytaýdy alatyn bolsaq, qazir jumyskerlerdiń jaǵdaiy jaqsaryp kele jatyr. Óitkeni olar únemi sherýge shyǵyp, talaptaryn jumys berýshige qoiyp, jumys berýshiler olardyń talaptaryn oryndaýǵa májbúr bolyp tur. Júie ózgerdi, Nazarbaevtyń yqpaly kúrt azaidy. Sondyqtan olar senetin, arqa súieitin biliktegi adamdar azaidy", - dedi ol Bilgen Durys arnasyna bergen cuhbatynda.
Degenmen Ýálihan Qaisarov 30 jyldyq júiege qoǵamnyń da belgili bir áseri bar ekenin aitady.
"Qoǵam qandai? Bilik te sondai. Nazarbaev 30 jyl bilikte otyrdy ma, oǵan bárimiz kinálimiz. Nazarbaevqa osyndai jol ashyp bergenimizge, osylai otyrǵanyna qoǵam ózimiz kinálimiz.
...Ákimderdiń 80-90 paiyzy Nazarbaev júiesi, ministrlerdiń bári - Nazarbaev kezinde bolǵan ministrler. Nazarbaevtyń júiesinen tys, syrttan kelgen adamdardy kórip turǵan joqpyn. Nazarbaev áýejaiyn nege ózgertpeidi, Nazarbaev intellektýaldy mektebi. Nege ony ulttyq intellektýaldy mektep dep atamaidy? Balalar, jas býyndar mektepte júrip, Nazarbaevty osy bastan qudai siiaqty kóredi", - dedi ol.
Onyń pikirinshe, sol Nazarbaev áýletiniń beldi ókilderi - Samat Ábishtiń, Áliia Nazarbaevanyń keisteri qylmystyq isten góri saiasi sipatyn kóbirek kórsetip otyr.
"Qylmystyq protsess bolsa da báribir asty saiasi bolyp tur. Óitkeni onyń asty - Nazarbaevtyń áýleti, Nazarbaevtyń otbasy. Sondyqtan bul iste saiasat joq dep eshkim aitpaidy", - dedi Qaisarov.
Qoǵam qairatkeri óńirlerde bolyp jatqan sý tasqynyna kinálilerdi jaýapqa tartpas buryn ákimderdi sailaý júiesine halyq tikelei qatysýy kerek ekenin de jetkizdi.
"Ákimder qalai taǵaiyndalady? Bireýdiń týysy, bireýdiń aqshasy, bireýdiń tanysy, bireýdiń múddesi. Mysaly, milliondaǵan gektar jerdi bireýge berý úshin otyrǵyzady. Jolshybai qandai problemalar bolyp jatyr, áser etpeidi, kerek emes. Adam ólip jatyr ma, sý tasqyny bolyp jatyr ma, qatty aiazda jylý júiesi jarylyp jatyr ma, ol problema emes. Eń basty problema - taǵaiyndaǵan maqsaty qandai, bireýge zaýyt-fabrikany bergizý, jerdi bólisý, bitti. Sol oryndalǵannan keiin aýysyp ketýi múmkin", - dedi eks-senator.
Qazir qoǵamdy alańdatyp otyrǵan taǵy bir másele - Bishimbaev isi. Bul tusta Qaisarov sot júiesindegi bylyqtar týraly da aitty.
"Ázirshe ol (Bishimbaev isindegi sýdia - esk.) bárin durys istep jatyr. Sýdiany betaldy qoiǵan joq, ol óte mamandanǵan. Ol prokýrordyń sózin tyńdap júrgen joq, tek zańmen júrip jatyr. Búgingi tańda joq (sýdialardy satyp alýǵa bola ma - esk.). Bar (Nazarbaev áýletiniń sýdialary bar - esk.), sondyqtan olar kerek bolǵan jaǵdaida qutyla salady. Al jańadan taǵaiyndalyp júrgen sýdialar adal. Óz praktikamda ádiletsiz sýdiany kórgen emespin.
...Ákesi (Bishimbaevtyń ákesi - esk.) - eski júieniń adamy. Kezinde ony (Bishimbaevty - esk.) on jylǵa sottady ǵoi. Keiin otyrdy ma, otyrmady ma, Nazarbaevtyń jarlyǵymen raqymshylyq jasady. ...Keiin olar apelliatsiia jasaýy múmkin. Keiin Joǵarǵy sotqa deiin jetkizýi múmkin", - dedi ol Bilgen Durys arnasyna bergen cuhbatynda.
