İshki ister mınıstri Erjan Sádenov jubaıy Saltanat Núkenovany uryp óltirip aıyptalǵan burynǵy Ulttyq ekonomıka mınıstri Qýandyq Bıshimbaevtyń qandaı jaǵdaıda qamaýda otyrǵanyn aıtty, – dep habarlaıdy Dalanews.kz.
Sádenovtyń aıtýynsha, Bıshimbaev ózge aıyptalýshylarmen birge ortaq kamerada otyr. Sonymen qatar oǵan eshqandaı artyq jaǵdaı jasalmaǵanyn alǵa tartty.
– Ol tergeý úshin qamaýǵa alynǵandyqtan ózgelermen birge ortaq kamerada otyr. Bıshimbaevqa artyq jaǵdaı jasalǵan joq, – dedi mınıstr.
Budan basqa mınıstr Bıshimbaevtyń densaýlyǵy qalypty ekenin, ortaq tártipti buzbaǵanyn da tilge tıek etti.
Osyǵan deıin áleýmettik jelide tergeýde otyrǵan Bıshimbaevqa artyq jaǵdaı jasalyndy degen qaýeset áńgime taraǵan edi.
Búgin QR İshki ister mınıstri Erjan Sádenov bárin joqqa shyǵaryp, onyń zań aıasynda tergelip jatqanyn málimdedi.
Esterińizge salamyz, ótken jyldyń 9 qarashasynda óz áıelin uryp óltirdi degen kúdikpen burynǵy Ulttyq ekonomıka mınıstri Qýandyq Bıshimbaev ustalǵan bolatyn. Budan keıin polısıa Bıshimbaevtyń aǵasy Saltanat Núkenovany óltirýge qatysy bar degen kúdikpen ony da qamaýǵa aldy.
