"Aýyl" partiiasy usynǵan kandidat Jigýli Dairabaev óziniń sailaýaldy baǵdarlamasyn jariialady, ol úsh bólimnen turady.
Kandidat dala demokratiiasy, joǵary rýhani-adami mádeniet pen qýatty agrarlyq salaǵa negizdelgen jańa Qazaqstanǵa qol jetkizýge tyrysamyn deidi.
Dala demokratiiasy – ádiletti Qazaqstan kepili!
Kandidat óziniń sailaýaldy baǵdarlamasyn demokratiianyń negizgi qaǵidattarynan bastady. Olar – ashyq sailaý, beibit jáne joǵary básekelestik. Onyń aitýynsha, ondai demokratiia qazaq handyǵy kezinde bastalǵan. Al qazirgi jaǵdaida osy saladaǵy saiasattyń negizgi úsh komponenti - memleket basshysynyń pragmatizmi, ony qorshaǵan ortanyń danalyǵy jáne qoǵamdaǵy ádilettiliktiń ústemdigi bolýy shart. Osy oraida Dairabaev qańtar oqiǵasyna da toqtaldy.
"Qańtar aiyndaǵy qaiǵyly oqiǵalar jalpyǵa ortaq igilikterdi bólýdegi jalpy ádiletsizdik pen bilikke jaqyn bailar jáne kedeiler men qarapaiym halyq, qala men aýyl arasynda úlken alshaqtyqtyń paida bolýyna bailanysty bolǵanyn bilemiz. Avtoritarlyq júie qoǵamda memleketti basqarýdyń múldem jańa formatsiiasyn qurýǵa degen umtylysty oiatty", - deidi kandidat.
Sondyqtan negizgi alty bastamaǵa qol jetkizýge tyrysamyn dep otyr. Olar:
-
Elimizdiń negizgi zańy – Qazaqstan Respýblikasy Konstitýtsiiasynyń basty qaǵidaty - bilik halyqqa tiesili degendi sóz emes, is júzinde júzege asyrý; -
Eńbek adamynyń róli men mańyzdylyǵyn arttyrý, muǵalim, dáriger jáne Otan qorǵaýshylardyń mamandyǵyn qasterleý; -
Óndiristik, áleýmettik jáne injenerlik infraqurylymdy damytý baǵdarlamalaryn iske asyrý arqyly ortalyq pen óńirler arasynda ortaq igilikterdi teń jáne ádil bólý; -
Biýdjettik josparlaý protsesin, ulttyq jáne kvazimemlekettik kompaniialar qyzmetin, sondai-aq, ulttyq qordy jáne zeinetaqy aktivterin basqarýdy barynsha ashyq etý; -
Memleketti basqarý isinde buqaralyq aqparat quraldary men qoǵam qairatkerleriniń yqpal etý salasyn keńeitý; -
Dástúrli ulttyq qonaqjailylyqty Qazaqstannyń álsizdigi emes, jaǵymdy beinesi retinde paidalaný;
Joǵary mádeniet – qoǵamdy jańartý negizi!
Kandidattyń oiynsha, búginde qoǵamnyń rýhani-adami mádenieti men sanasynda olqylyq kóp. Jeńil aqshaǵa degen shamadan tys qushtarlyq kúsheiip barady. Sonyń saldarynan kóleńkeli ekonomika men sybailas jemqorlyq artyp, baǵalar negizsiz ósip jatyr. Al sheneýnikter áreketsizdik tanytady. Halyqta tutynýshylyq kózqaras basym, áleýmettik jelilerde jastardyń ádepsiz minez-qulqy jáne taǵy basqa jaǵymsyzdyqtarǵa kóbeiip ketti.
"Sybailas jemqorlyqqa qarsy kúreste memleket jasaǵan túrli áreket, mysaly, jalaqyny kóterý nemese qylmystyq jazalaý sharalaryn qatańdatý aitarlyqtai nátije bermedi, kerisinshe, qylmyskerlerdiń jańa jaǵdailarǵa beiimdelýin arttyrdy", - deidi Dairabaev.
Kandidat jemqorlyqqa qarsy kúresti adamdardyń ózinen, olardyń rýhani-adami tárbiesinen bastaý kerek dep sanaidy. Atap aitqanda, mektepte eńbekqorlyqty, jaýapkershilikti, aǵa býynǵa qurmet kórsetý men ulttyq qundylyqtardy saqtaýǵa úiretý, memlekettik tildi barlyq salaǵa tereń engizý, shet elderdegi qazaqtardyń ulttyq biregeiligin saqtaý jáne taǵy basqa sharalar bar. Dairabaev oǵan qol jetkizýge tyrysamyn deidi.
Baqýatty aýyl – qýatty memleket!
Sailaýaldy baǵdarlamanyń úshinshi bólimi ekonomikalyq problemalarǵa arnaldy. Kandidattyń aitýynshae, Qazaqstan shikizaty bai memleket bola tura, óz halqyn qoljetimdi otynmen jáne energetikalyq resýrstarmen qamtamasyz ete almady.
Halyq tutynatyn qarapaiym taýarlar da shetelden jetkiziledi. Jyl saiyn importpen birge taýardyń baǵasy da ósip otyrady. Al úkimet ekonomikanyń draiveri bola alatyn agrarlyq salanyń áleýetin elemeidi. Ony ashý úshin tájiribeli jáne bilikti kadrlar, keń aýylsharýashylyq alqaptary, ken oryndary men sý resýrstarynyń qomaqty qory, eksporttyq naryqtardaǵy suranys ta bar.
"Men Qazaqstan Respýblikasyn alaqandai jer de bos jatpaityn, egiletin, ár dastarhan sapaly jáne baǵasy qoljetimdi otandyq ónimmen toltyrylatyn agrarlyq derjavaǵa ainaldyrýǵa nyq bekindim", - deidi kandidat.
Osy oraida Dairabaev birneshe bastamaǵa qol jetkizýge múddeli.
Olar:
agrobiznesti qurý jáne damytý úshin memlekettik qoldaýda, jeńildetilgen kreditteýde, fiskaldyq saiasatta, eńbek naryǵynda, startaptardy yntalandyrýda, sondai-aq jer, tehnikalyq (otandyq aýyl sharýashylyǵy mashinalaryn jasaýdy qalpyna keltirý) jáne aqparattyq resýrstardy kedergisiz alýda eń jaqsy jaǵdailar jasaý;
aýyldyq eldi mekenderdi jańǵyrtý jónindegi uzaq merzimdi ulttyq strategiiany zań deńgeiinde qabyldaý;
sottar men sotqa deiingi tergep-tekserý organdarynda, sondai-aq eksport elderinde adal aýyl sharýashylyǵy taýar óndirýshiler men olardyń qyzmetkerlerin quqyqtyq qorǵaýda prezidenttik kepildik berýdi;
aýyl sharýashylyǵy eńbekkerleriniń mártebesin arttyrý;
qala turǵyndaryn kommertsiialyq ústeme baǵasyz azyq-túlik taýarlarymen qamtamasyz etý úshin megapolisterde, monoqalalarda, oblys jáne aýdan ortalyqtarynda tutyný qoǵamdary men kooperativter jelisin qurý jáne damytý;
agroónerkásip pen aýylǵa aqsha salatyndarǵa saqtandyrý men kepildik berý;
