Almaty soty jeti azamatqa qatysty úkim shyǵardy. Olarǵa 2022 jylǵy qańtar oqiǵasy kezinde bilikti basyp alýǵa yqpal etti degen aiyp taǵyldy, dep habarlaidy Dalanews.kz.
Almaty qalalyq sotynyń málimetinshe, 7 aiyptalýshyǵa qatysty qylmystyq is qaralǵan.
“Olarǵa jappai tártipsizdikterge shaqyrý, ekstremistik top qurý jáne onyń qyzmetine qatysý, sondai-aq qarýdy, oq-dáriler men jarylǵysh zattardy saqtaý jolymen bilikti basyp alýǵa jáne ustap qalýǵa járdemdeskeni úshin (182-baptyń 2-bóligi, 179-baptyń 2-bóligi) aiyp taǵyldy. Qazaqstan Respýblikasy Qylmystyq kodeksiniń 24-babynyń 1-bóligi, 272-babynyń 1-bóligi, 287-babynyń 4-bóligi) aiyp taǵyldy.
Sot anyqtaǵandai, sottalýshylar A., K., T., O., N. jáne K 2022 jyly sáýirden qarashaǵa deiin kóptegen kezdesýlerge qatysyp, bilikti kúshpen basyp alýǵa úgittep, jariia túrde shaqyryp, uiymdastyrý máselelerin talqylaǵan”, - dedi Almaty sottarynyń baspasóz qyzmeti.
Prokýror barlyq aiyptalýshylardy kináli dep tanýyn surady. Azamat I.-ǵa 3 jyl 4 aiǵa, T. men A.-ǵa 15 jylǵa, qalǵan tórt aiyptalýshyǵa 13 jylǵa bas bostandyǵynan aiyrý jazasy taǵaiyndaldy. Sottalýshylar kinálaryn moiyndamai, aqtaýdy surady.
“Sottalýshylardyń qylmystyq áreketteri arnaiy is-sharalar nátijelerimen, kýálardyń aiǵaqtarymen, hattamalarmen dáleldendi. Sonymen qatar olardan asa iri kólemdegi qarý-jaraq arsenaly, iri kólemde daiyndalǵan “Molotov kokteilderi», qarý retinde paidalanýǵa daiyndalǵan armatýra jáne basqa da quraldar tabyldy. Aita keteiik, sotqa deiingi tergep-tekserý barysynda sottalýshy I. ókinetinin aityp, qalǵan sottalýshylardyń aldynda kinásin moiyndady” delingen baspasóz habarlamasynda.
