Osy jyldyń naýryzynda Chelah Qasym-Jomart Toqaevqa 12 betten turatyn keshirim hatyn joldaǵan. Onda ol ózi kórgen jáne bastan keshken jaittardy sipattap, sotta aitýǵa ruqsat etilmegen nárselerdi jazǵan.
Chelah isti qaita qaraýdy suraidy. Týystary da prezidentke, Bas prokýratýraǵa, Joǵarǵy sotqa jáne Parlamentke ótinish jazǵan. Alaida naqty jaýap joq.
Aita keteiik, 2012 jyldyń 28 mamyrynda Qazaqstan-Qytai shekarasyndaǵy «Arqankergen» shekara beketinde 15 adam, onyń ishinde 14 áskeri qyzmetker men sol mańdaǵy qoryqshy óltirilgen. Bul qylmysqa qatardaǵy jaýynger Vladislav Chelah aiypty dep tanylyp, ómir boiyna bas bostandyǵynan aiyryldy.
2013 jyldyń naýryzynan bastap Chelah ómir boiyna bas bostandyǵynan aiyrylǵan Qostanai oblysynyń Jitiqara qalasyndaǵy «Qara búrkit» dep atalatyn túrmede otyr.
