Úkimet otyrysynda Premer-ministr Oljas Bektenov Kólik ministrligine jol qurylysy jobalaryna qatysty tapsyrma berdi, dep habarlaidy Dalanews.kz.
Úkimet otyrysynda Premer-Ministr Oljas Bektenov elimizde qoldanystaǵy joldarda mindetti túrde sý ótkizý qurylystarynyń bolý týraly ózekti máseleni kóterdi. Bul másele ásirese biylǵy kóktemde ýshyǵyp ketkeni atalyp ótti.
"Sý tasqyny kezeńi qoldanystaǵy joldarda mindetti túrde sý ótkizý qurylystarynyń bolý qajettigin kórsetti. Qanshama joldar shaiylyp ketti. Jinalǵan sýdy ótkizip jiberetin qubyrlar salynǵanda, joldardyń kópshiligin saqtap qalýǵa bolatyn edi. Osyǵan bailanysty Kólik ministrligi qoldanystaǵy infraqurylymdy qaita qaraýǵa tiis. Sondai-aq jergilikti gidrogeologiialyq jaǵdaidy, jańa tehnologiialardy engizýdi jáne jobalyq sheshimderdi tsiflandyrýdy eskere otyryp, jańa jol-qurylystaryn jobalaý kezinde normativterdi jańartý qajet", - dedi Bektenov.
Úkimet basshysy sondai-aq "Memlekettik satyp alý týraly" jańa Zańda jol qurylysynda ERSM – Engineering Procurement and Construction Managemen (jobalaý, injiniring, jetkizý jáne qurylysty basqarý) qaǵidaty boiynsha "basynan aiaǵyna deiin" engizý tásili kózdelgenin atap ótti. Endi ony iske asyrýdyń naqty tetikteri qajet.
Budan basqa, Ónerkásip jáne qurylys ministrligine Qarjy ministrligimen birlesip, Úlken Almaty ainalma avtomobil joly jobasynyń tájiribesin eskere otyryp, biýdjettik jobalardy iske asyrýdy júzege asyrý tetigin shuǵyl túrde ázirleý jáne bekitý tapsyryldy.
