Satylymǵa shyqqan toi ótetin oryndardyń baǵasy aspandap tur. Eń arzany 300-400 millionnan bastalyp, milliardtarǵa deiin barady. Bul týraly Dalanews.kz 31 arnaǵa siltep habarlaidy.
Sońǵy 5-6 aidan beri toihanalar qańyrap qaldy. Sharasyz qalǵan kásipkerler toihanalaryn jappai satyp jatyr.
Toihanalardyń kóbi Nur-Sultan, Almaty, Shymkent qalalarynan satylymǵa qoiylǵan. Toiǵa myńdaǵan adam shaqyratyn Shymkentte toihanalar baǵasy Almaty men Nursultanǵa qaraǵanda arzan. 550 adamǵa arnalǵan toihana 750 millionǵa baǵalanyp tur.
Arnaiym maman sońǵy kezderi tamaqtanatyn oryndardy satayp jatqan kásipkerlerdiń kúrt artqanyn aitady.
"Bizdiń agenttik on jyldan beri naryqta jyljymaityn múlik satýmen ainalysady. Sońǵy kezderi túrli dámhana, meiramhanalardyń ielerin kóptep habarlasyp, biznesterin satylymǵa qoiyp jatyr. Sebebi, koronavirýs indetine bailanysty olardyń jumystary qiyndap ketti", - deidi Vitalii Brailovskii.
