«2022 jyldyń 19 aqpanynan bastap atalǵan adamǵa qatysty Bas prokýratýra sotqa deıingi tergeý júrgizip keledi, kúdiktiniń is-áreketteri QR Qylmystyq kodeksiniń 451-babynyń 3-bóligi (bılikti asyra paıdalaný) boıynsha qarastyrylýda» dep habarlady Bas prokýratýra.
Qasym-Jomart Toqaev qańtar oqıǵasy kezinde mınıstr Bektanov komandırlik qabiletin kórsete almaǵanyn aıtqan.
– Qańtar oqıǵasy kezinde Qarýly Kúshter ózine senimsiz ári qabiletsiz basshylyǵynyń kesirinen júktelgen mindetterdi tıisti deńgeıde atqara almady. Mınıstr Bektanov komandırlik qabiletin kórsete almady. Komandalyq-shtabtyq jáne áskerı jattyǵýlar kezinde oń nátıje kórsetken armıamyz bola tura, syn saǵatta onyń áleýetin paıdalana almadyq. Syrttan kómek shaqyrýǵa májbúr boldyq, – dedi Toqaev.
Aıta keteıik, bul bapqa sáıkes áskerı jaǵdaıda bılikti asyra paıdalanǵany úshin múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyrylady. Sondaı-aq, 7 jyldan 15 jylǵa deıin bas bostandyǵynan aıyrý jazasyn arqalaıdy.
