Buıryqtyń maqsaty QR Úkimeti aıqyndaıtyn óńirlerde qandastar men qonys aýdarýshylardy ońtaıly qonystandyrý. 2023 jylǵy kvota kelesideı bólindi:
- qandastar úshin: Soltústik Qazaqstan oblysy boıynsha – 138 adam, Qostanaı oblysy boıynsha – 150, Abaı oblysy boıynsha – 196, Shyǵys Qazaqstan oblysy boıynsha – 239, Aqmola oblysy boıynsha – 270, Pavlodar oblysy boıynsha – 932 adam;
- qonys aýdarýshylar úshin: Qaraǵandy oblysy boıynsha – 33 adam, Ulytaý oblysy boıynsha – 120, Abaı oblysy boıynsha – 238, Shyǵys Qazaqstan oblysy boıynsha – 305, Qostanaı oblysy boıynsha – 530, Soltústik Qazaqstan oblysy boıynsha – 2 660, Pavlodar oblysy boıynsha – 2 841 adam.
Qandastar men qonys aýdarýshylardy qoldaý úshin qosymsha sýbsıdıa túrinde kómek berý qarastyrylǵan:
- kóshýge – otbasynyń árbir múshesine 70 AEK (241,5 myń teńge) kóleminde birjolǵy tólem;
- bir otbasyna 12 aı ishinde turǵyn úıdi jaldaý (jalǵa alý) jáne komýnaldyq qyzmetterge aqy tóleý boıynsha shyǵystardy jabý úshin 15-ten 30 AEK-ke deıin (51,7-den 103,5 myń teńgege deıin) tólenedi.
Esterińizge sala keteıik, 1991 jyldan bastap 2023 jyldyń 1 qańtaryna deıin 1 mln 107 myń etnıkalyq qazaq tarıhı otanyna oraldy.
2022 jyly jalpy 19 178 etnıkalyq qazaq tarıhı otanymen tabysyp, qandas mártebesin aldy.
