Aqtyq kezeńniń bastalǵanyn aishyqtaityn saltanatty is-sharaǵa partiia Hatshysy Dáýlet Káribek, QR Qorǵanys ministriniń ókilderi, Parlament depýtattary jáne qarýly kúshterdiń ardagerleri, tanymal sport juldyzdary qatysty.
«Júreginde otanshyldyq rýhy jalyndaǵan jastardyń jańa býyny ósip kele jatqanyna bárimiz kýámiz. Táýelsizdigimizdi nyǵaityp, elimizdi odan ary órkendetý qazirgi urpaqtyń qasietti boryshy. Dástúrge ainalyp kele jatqan «Qaisar» áskeri-patriottyq oiyndary – otanshyl jastardy adal qyzmet etýge, el qorǵany bolýǵa tárbieleitin biregei alań. Byltyr irikteý kezeńine 1700-ge jýyq jas azamat qatysqan bolsa, biyl qatysýshylar sany 3000-nan asty», – dedi Dáýlet Káribek.
Sondai-aq, partiia Hatshysy aqtyq kezeńniń aldynda jastardyń jigerin janyp, olardyń bar kúsh-jigerin salatynyna senim bildirdi. «AMANAT»-tyń Saiasi tuǵyrnamasynda elimizdi, jerimizdi qasyq qanymyz qalǵansha kózdiń qarashyǵyndai qorǵaýymyz kerek ekeni anyq jazylǵanyn atap ótti.
Eske sala keteiik, partiianyń jastar qanaty atalǵan jobany iske qosatynyn byltyr «AMANAT»-tyń kezekten tys XXII sezinde málimdegen bolatyn. Biyl ekinshi márte uiymdastyrylyp otyrǵan is-sharanyń aimaqtardaǵy irikteý kezeńi 15-25 sáýir aralyǵynda ótti.
«Elimizdiń túkpir-túkpirinen júzden júirik, myńnan tulpar jastar jinaldy. Sizder óz óńirlerińizde qatardan qara úzip, búgingi aqtyq kezeńge joldama alyp keldińizder. Al endi elorda tórinde jeńiske jetý úshin osyǵan deiin jiǵan bilim-bilikterińizdi, dara daǵdylaryńyzdy, tózimderińizdi tanytasyzdar degen oidamyn. Tipti, aralaryńyzda bolashaq Otan qorǵaýshylar, serjanttar men ofitserler turǵanyna senimdimin», – dedi QR Qorǵanys ministriniń orynbasary Sultan Qamaletdinov.
«Men úshin báriń jeńimpazsyńdar. El qorǵaý – qasietti borysh. Ózderińdei órender elimizge qashan da qajet. Biz aqyldy, sabyrly, sanasy sergek, oiy ushqyr jastarǵa qarap súisinemiz. Árdaiym qaisar, ójet, alǵyr bolyńdar. Ata-babadan amanat bolyp qalǵan atamekenimizdi qorǵai bilińder. Abyroilaryń aspandai bersin», – dedi Qarýly kúshter ardageri, kontr-admiral Ratmir Komratov.
Aqtyq kezeńge joldama alǵan jastar eki kún boiy elordada túrli synaqtan ótip, ózara baq synasady. Iaǵni, olar qashyqtyqqa júgirip, arnaiy áskeri jattyqtyrýshylar daiyndaǵan kedergilermen júrip ótedi. Sondai-aq, saptyq daiyndyq deńgeilerin tanytyp, «Meniń elim – Qazaqstan» atty áskeri-tanymdyq viktorinada bilimin shyńdaidy.
«AMANAT» partiiasynyń baspasóz qyzmeti
Sýretti túsirgen Áli Ǵalym
