Almatyda buryn Qairat Satybaldyǵa tiesili bolǵan Kaisar Plaza biznes ortalyǵy qaitadan satylymǵa shyǵaryldy, dep habarlaidy dalanews.kz.
Bul joly nysannyń bastapqy baǵasy 7 milliard teńgege tómendetilgen. Saýda-sattyqtyń jańa baǵasy 54 milliard teńge bolyp belgilendi. Aýktsion baǵany kóterý tásilimen ótedi.
Biznes ortalyq buǵan deiin de, iaǵni 7 sáýirde satylymǵa shyǵarylǵan edi. Ol kezde bastapqy quny 61,5 milliard teńge bolǵanymen, satyp alýshy tabylmady.
Biznes ortalyq Qaitarylǵan aktivterdi basqarý kompaniiasynyń qaramaǵynda. Nysandy buǵan deiin memleketke Qairat Satybaldy tapsyrǵan. Tergeý barysynda ǵimarat zańsyz jolmen alynǵany anyqtalyp, 2023 jyly Qarjy ministrliginiń balansyna berilgen.
Kaisar Plaza - Jeltoqsan kóshesinde ornalasqan toǵyz qabatty keshen, panoramalyq qabaty men avtoturaǵy bar zamanaýi saýda-keńse ortalyǵy. Nysannyń jalpy aýmaǵy - shamamen 64 myń sharshy metr. Qazir munda 53 jalǵa alýshy jumys isteidi. Olardyń qatarynda iri bankter, buqaralyq aqparat quraldary jáne qoǵamdyq tamaqtaný oryndary bar.
