Resei prezidenti Vladimir Pýtin Soltústik Koreiaǵa saparmen bardy. Ony Phenian áýejaiynda Kim Chen Yn qarsy aldy, - dep habarlaidy Dalanews.kz.
Eki eldiń basshylary qyzyl kilemmen júrip ótti, onyń boiynda qaraýyl turdy. Kóshbasshylar birneshe minýt sóilesii, sodan keiin memleket basshylarynyń korteji áýejaidan ketti.
Búgin olar kelissózder júrgizedi, onyń ishinde keńeitilgen quramda kóshbasshylardyń beiresmi jinalysy josparlanǵan. Olar pandemiiaǵa bailanysty úzilgen gýmanitarlyq bailanystardy qalpyna keltirý joldaryn belgileidi dep kútilip otyr.
Sonymen qatar, reseilik BAQ Vladimir Pýtin men Kim Chen Yn qaýipsizdik, ekonomika, energetika, kólik, aýyl sharýashylyǵyndaǵy yntymaqtastyq máselelerin qozǵaitynyn jazdy.
Soltústik Koreia - Reseidiń Ýkrainaǵa basqynshylyq soǵysyna tikelei qoldaý kórsetetin jáne anneksiialanǵan Qyrymdy moiyndaǵan álemdegi birneshe eldiń biri. Pýtin buǵan deiin Soltústik Koreiaǵa 2000 jyly barǵan, ol kezde eldi Kim Chen Ynnyń ákesi Kim Chen Ir basqaryp turǵan edi.
Sapar aldynda jariialanǵan maqalasynda Pýtin Soltústik Koreiaǵa Reseidi Ýkrainaǵa qarsy soǵysta qoldap otyrǵany úshin alǵys aitqan. Soltústik Koreia Resei armiiasyna artilleriia snariady men raketa júielerin jetkizedi, al Máskeý munyń qarymy retinde Phenianǵa BUU Qaýipsizdik keńesi tyiym salǵan raketa baǵdarlamasyna kómektesedi degen aqparat bar.
