Reseidiń barlaý agenttikteri Vladimir Pýtindi kúzetý sharalaryn kúsheitken, barlaý agenttikteriniń usynysy boiynsha dalada ótkiziletin qoǵamdyq is-sharalar kezinde ol oq ótkizbeitin jilet kietin bolǵan. Bul týraly The Moscow Times-qa sheneýnikter, Kremlge jaqyn derekkózder rastaǵan, - dep habarlaidy Dalanews.kz.
Qoǵamdyq is-sharalar kezinde Pýtindi birneshe ret kórgen sheneýniktiń aitýynsha, ol 2023 jyly Federaldy kúzet jáne qaýipsizdik qyzmetiniń usynysy boiynsha oq ótkizbeitin jilet kie bastaǵan.
"9 mamyrda sherý kezinde jasyryn oq ótkizbeitin jilet kigen. Bul - saqtyq sharasy, meniń oiymsha, durys istegen", - dedi basylymǵa sheneýnik.
Ulybritaniianyń qaýipsizdik jónindegi keńesshisi Djeid Miller basylymnyń ótinishimen biyl 9 mamyrda Pýtinniń sherýde sóilegen sózi taspalanǵan videony zerttep, ol, shynymen de, oq ótkizbeitin jilet kigen degen qorytyndyǵa kelgen.
Sarapshynyń aitýynsha, Resei prezidentiniń óz-ózin ustaýynan paltonyń ishinde oǵan júrgen kezde yńǵaisyzdyq týdyratyn nárse bar degen qorytyndy jasaýǵa bolady.
"Meniń kásibi pikirimshe, Pýtin sherýge barǵan kezde ballistikalyq qorǵanystyń bir túrin kidi", - dep qorytyndylady Miller.
