Eýrokomıssıanyń prezıdenti Ýrsýla fon der Láıen Ýkraınaǵa soǵys ashqan Pýtın Batys elderiniń birligine syna qaǵýdy kózdegen jospary  iske aspaı, kersinshe EýroOdaq pen NATO-ǵa múshe elder arasynda birlik nyǵaıa túskenin aıtty, – dep habarlaıdy Dalanews.kz.

– Reseı NATO-ǵa múshe elderdiń arasynda jik túsirýdi oılap edi. Onysynan túk shyqqan joq. Qaıta Pýtınniń Ýkraınaǵa qarsy basqynshylyq áreketi Fınlándıa men Shvesıanyń NATO-ǵa múshe bolýyn jedeldete tústi, – dedi Ýrsýla fon der Láıen.

Osyǵan deıin NATO-nyń beldi múshesi Túrkıa Fınlándıa men Shvesıanyń áskerı uıymǵa múshe bolýyna qarsylyq bildirgeni belgili. Kúni keshe ǵana Ispanıanyń astanasy Madrıd qalasynda ótken Soltústik atlantıkalyq odaqtyń kezekti basqosýynda osy másele keńinen talqylanyp, Túrkıa Fınlándıa men Shvesıanyń NATO-ǵa múshe bolýyna qatysty ortaq sheshimge kelip, uıymǵa múshe bolýyna qarsylyq tanytpaıtynyn resmı túrde jarıa etti.

Fınlándıa men Shvesıa NATO-ǵa múshe bolǵannan keıin uıym Reseı shekarasyna jaqyndaı túsetini anyq.