19 shildede Koreia Respýblikasynyń Pýsan qalasynda IýNESKO-nyń Dúniejúzilik mura komitetiniń 48-sessiiasy óz jumysyn bastady, dep habarlaidy dalanews.kz.
Sessiia 29 shildege deiin jalǵasady.
Sharanyń resmi ashylý rásimine Koreia Respýblikasynyń Prezidenti Li Chje Mion jáne IýNESKO-nyń Bas direktory Haled Ál Anani qatysty.
Sessiiaǵa IýNESKO-nyń Dúniejúzilik mádeni jáne tabiǵi murany qorǵaý týraly konventsiiasyna 196 memleketten shamamen 3 000 qatysýshy, sondai-aq halyqaralyq uiymdar men sarapshylyq qaýymdastyqtyń ókilderin biriktirdi.
Otyrys barysynda Uiym Dúniejúzilik mura tizimine 30 jańa usynystyń engizilýin, sondai-aq mura obektileriniń saqtalý jai-kúiine qatysty 147 esepti qarastyrady.
Qazaqstan delegatsiiasy Dúniejúzilik mura komitetiniń múshesi retinde sessiia jumysyna belsendi qatysýda.
Sessiia barysynda Qazaqstan usynǵan «Mańǵystaýdyń jerasty meshitteri jáne olarmen bailanysty kieli nysandar» nominatsiiasyn qaraý josparlanyp otyr.
Eske sala keteiik, Atyraýda ótken Ulttyq quryltaidyń otyrysynda Memleket basshysy Qasym-Jomart Toqaev Mańǵystaýdaǵy biregei jerasty meshitterin IýNESKO-nyń Dúniejúzilik muralar tizimine engizý baǵytyndaǵy jumysty bastaýdy tapsyrǵan bolatyn.
