Prokýror jýrnalist Dýman Muhammedkárimdi 7 jylǵa bostandyǵynan aiyrýdy jáne oǵan 3 jyl qoǵamdyq-saiasi jumyspen ainalysýǵa tyiym salýdy surady, - dep habarlaidy Dalanews.kz Azattyq Radiosyna siltep.
Bul jóninde onyń advokaty Murat Jolshiev habarlady.
"Ne deidi?" YouTube-arnasynyń avtory Dýman Muhammedkárim «ekstremizmdi qarjylandyrdy» jáne «tyiym salynǵan uiymnyń jumysyna aralasty» degen kúdikpen byltyr maýsymda qamaýǵa alynǵan.
Iske jýrnalistiń shetelde turatyn «Qazaqstannyń demokratiialyq tańdaýy» (QDT) qozǵalysynyń jetekshisi, oppozitsioner Muhtar Ábliazovtan alǵan suhbaty sebep bolǵan. Jýrnalistiń ózi jáne advokattary is qozǵalǵan sátten bastap taǵylǵan aiypqa kelispedi.
Qonaev qalasynda ótip jatqan sotta búgin jaryssóz bastaldy.
