Prokýror AES qurylysyna qarsy shyqqan belsendilerge 5 jylǵa sottaýdy surady, dep habarlaidy Dalanews.kz "Vlast" basylymyna silteme jasap.
21 tamyz kúni Almatydaǵy Almaly aýdandyq sotynda AES qurylysyna qarsy shyqqan belsendilerdiń isi boiynsha taraptardyń jaryssózi bastaldy.
Alǵash bolyp memlekettik aiyptaýshy sóz sóilep, belsendiler Nurlan Jaýlibaev, Janat Qazaqbai, Fazyljan Syzdyqov, Nurlan Temirǵaliev jáne Aidar Mubarakovty QR Qylmystyq kodeksiniń 272-babynyń 1-bóligi jáne 24-babynyń 3-bóligi boiynsha kináli dep tanýdy surady. Prokýror olardy 5 jylǵa bas bostandyǵynan aiyrýdy talap etti.
Memlekettik aiyptaýshynyń aitýynsha, olardyń kinási tolyq dáleldengen.
«Memlekettik mańyzy bar is-sharanyń sátsizdikke ushyraýy azamattardyń konstitýtsiialyq quqyqtaryn shekteý bolyp tabylady», – dedi prokýror.
