Almaty oblysynda atyshýly uiymdasqan qylmystyq topqa qatysty is qaralýda, dep habarlaidy Dalanews.kz Ulysmedia.kz saityna siltep.
Almaty oblysynyń prokýratýrasy «Hýtorskie» uiymdasqan qylmystyq tobyna qatysty tergeý aiaqtalǵanyn málimdedi. Kúdiktiler qatarynda top jetekshisi dep tanylǵan Hasan Qasymbaev bar. Onyń esimi buǵan deiin buqaralyq aqparat quraldarynda keńinen atalǵan.
Qazirgi tańda prokýrorlar atalǵan iske bailanysty shyǵarylǵan úkimniń zańdylyǵyn zerdeleýge kirisken.
"2025 jyldyń 21 shildesinde aiyptaý qorytyndysy tirkelgen qylmystyq is oblys prokýratýrasyna tústi. Protsessýaldyq sheshimniń zańǵa sáikestigin tekserý júrgizilýde. Qorytyndysy boiynsha Qylmystyq-protsestik kodekstiń 302-babyna sáikes tiisti sheshim qabyldanady", – dep habarlady prokýratýra.
Vedomstvo ókilderi bul ispen bailanysty ózge aqparattar QPK-niń 201-babyna sáikes tergeý qupiialylyǵyna bailanysty jariia etilmeitinin atap ótti.
2023 jyly 16 jastaǵy Sherzat Polattyń ólimi qazaqstandyqtardy dúrliktirgen bolatyn. Birneshe aidan keiin onyń týysy – meditsina salasynyń qyzmetkeri Nurqanat kúdikti jaǵdaida kóz jumdy. Bul oqiǵadan keiin olardyń úiinen órt shyqqany habarlandy. Qaiǵyly jaǵdailar úshin jaýapkershilik «Hýtorskie» tobynyń múshelerine júktelip otyr. Tergeý barysynda top basshysy retinde Hasan Qasymbaevtyń esimi atalǵan.
