Almaty oblysynyń prokýratýrasy Sherzat Bolatty óltirý faktisi boiynsha sotqa deiingi tergeýdiń aiaqtalýǵa jaqyn ekenin málimdedi, - dep habarlaidy Dalanews.kz.
Qazirgi tańda qajetti tergeý áreketteri júrgizilip, barlyq kúdiktiler ustaldy.Saraptama nátijeleri kútilýde. Saraptama qorytyndysynan keiin is protsestiń qatysýshylaryna tanysý úshin beriledi.
Sonymen qatar, Qarjaýbai Nurymovtyń úiin órteý jáne Nurqanat Ǵaiypbaevtyń óz-ózine qol jumsaýy boiynsha qylmystyq isterdiń tergelýi Bas prokýratýranyń baqylaýynda.
"Qoǵamdy jalǵan aqparat taratýdan bas tartýǵa shaqyramyz. Ýákiletti organdardyń tek resmi málimdemelerine senim bildirýdi suraimyz", deidi prokýrorlar.
Eske salaiyq,búginde marqum Sherzattyń úiin órtegen kúdiktiler áli tabylmady. Bul týraly Sherzat Bolattyń otbasynyń advokaty Saida Táýkeleva aitty.
“Biz oblys prokýrorymen kezdestik, ol tergeý barysy jaily tolyq aqparat berdi. Onyń aitýynsha, is aiaqtalýǵa jaqyn, sebebi qajetti saraptamalar men protsedýralar oryndalǵan. Degenmen ázirge kúdiktiler anyqtalǵan joq. Tergeý barysynda úlken jumys atqarylǵanyn aitty, biraq nátije joq,” – dedi advokat.
Politsiia málimetinshe. 10 jeltoqsanda Nurymov buzaqylyq jáne kólik quraldarynyń qozǵalysyna kedergi jasaý faktisi boiynsha ustaldy. Ol qoǵamdyq orynda jáne politsiia qyzmetkerlerine qarsy dóreki sóz sóiledi, olardy pyshaqpen qorqytty, sonymen qatar basqa bireýdiń múlkine qasaqana zaqym keltirdi, atap aitqanda, kólikti pyshaqpen syryp, dóńgelekti tesip tastaǵan.
11 jeltoqsanda Sherzat Bolattyń ákesi qamaýǵa alynǵany belgili boldy.
Resmi derek boiynsha, ol qoǵamdyq orynda balaǵat sózder aitqany, quqyq qorǵaý organdarynyń qyzmetkerlerin qorlap, sondai-aq qoǵamdyq tártip pen azamattardyń tynyshtyǵyn buzatyn ainalasyndaǵylarǵa qurmetsizdik tanytatyn is-áreketter jasaǵany jáne kólik quraldarynyń qozǵalysy úshin kedergiler jasaǵany úshin 15 táýlikke ákimshilik qamaýǵa alyndy.
Odan bólek, Sherzattyń taǵy birneshe týysy qamaýǵa alyndy. Onyń ishinde:
Eńbekshiqazaq aýdandyq soty ákimshilik is júrgizý tártibimen isterdi qaraý nátijeleri boiynsha Saltanat Nurymova usaq buzaqylyq jasaǵany úshin (ÁQBtK 434-babynyń 1-bóligi) 20 AEK mólsherinde aiyppul salýmen ákimshilik jaýapkershilikke tartyldy.
Qazaqstanda beibit jinalystardy uiymdastyrý jáne ótkizý tártibi týraly zańnamasyn buzǵany úshin (ÁQBtK 488- babynyń 8-bólimi.) azamattyǵy joq adam jasaǵan, azamatsha Baqyt Reimova ákimshilik tártippen 15 táýlikke qamaýǵa alynyp, keiinnen QR sheginen shyǵaryp jiberildi.
