[caption id="attachment_31066" align="alignleft" width="300"]
Ádette memleket basshylarynyń korteji kele jatqanda kóshe boiynda qozǵalys toqtap, jol beretinin bilemiz. Bizde oblys ákimderiniń ózi aýdan aralaǵanda óńirdegi jol politsiiasynyń qyzmetkerleri jartysy ákimniń shashbaýyn kóterip, jol tazalap otyrady emes pe? Osyndai ákim-qaralar Haltmaagiin Battýlǵadan úlgi alsa qaneki?
Iá, Mońǵoliianyń jaqynda ǵana sailanǵan prezidenti demokrtiialyq ustanymdarǵa berik jan bolyp tur. Buǵan deiin saitymyzda Haltmaagiin Battýlǵanyń óz qarajatyna Shyńǵyshannyń eskertkishin salǵanyn jazǵan edik.
Mońǵoliiada da buǵan deiin Memleket basshysy korteji kele jatqanda jol jabylatyn-dy. Battýlǵa bolsa osy bir qasań qaǵidany buzǵan birinshi basshy bolyp tur.
Ol Mońǵoliianyń Demokrtiialyq partiiasy atynan sailaýǵa túskende halyqtyń 50,5 paiyz daýysyna ie bolyp, prezidenttik oryntaqqa qol jetkizgen-di.
Battýlǵa prezidenttik jumysqa kirisken sátte záýlim saraidan bas tartyp, jumysyna jaqyn jerdegi qarapaiym úige ornalasqany esimizde. Osylaisha Shyńǵyshannyń urpaǵy záýlim úi men qymbat kólikke áýes shendilerge óziniń isimen úligi-ónege kórsetip júr.
https://dalanews.kz/28793
