Qarapaiym qazaqqa tán osyndai áreketter Toqaevty halyqqa jaqyndata túsetini anyq. Bireýler muny «saiasi upai jinaý úshin ádeii uiymdastyrdy» dep aitýy múmkin. Bul túbirimen qate pikir. Bir kúndik aýyzashar eshkimge saiasi upai ákelmesi anyq. Búginde qazaq halqy mundaiǵa aldanbaidy. Saiasi oi-sanasy ósken. Muny Toqaevtyń ózi de jaqsy biledi.
Jylda Jańa Jyl qarsańyna «Prezident shyrshasy» uiymdastyrylyp, bala-shaǵy máre-sáre bolyp jatatynyn bárimiz bilemiz. Biraq sol kezde «Prezident balalardy shyrsha basyna jinap, saiasi upai jinap jatyr» dep eshkim aitpaidy ǵoi.
Esińizde bolar, «Qańtar qasiretine» qyryq kún tolǵanda, Toqaev qandy qyrǵynda qaza bolǵandardyń rýhyna baǵyshtap, qurban shaldy. Sol kezde Prezidentimiz jany aýyrǵan qarapaiym halyqpen birge kúizelgenin baiqadyq. Arysta bolǵan jarylys kezinde de Toqaev birinshi bolyp baryp, qarapaiym halyqqa qoldaý kórsetti. Sol kezde de kóńilimiz ósip qalǵan edi.
Endi qazaqy dástúrdi saqtap, jurtqa aýyzashar berip otyr.
30 jyl boiy bilik tarapynan ulttyq qundylyqtarymyzǵa tiisti deńgeide qurmet bolmaǵan soń, munyń bári bizge tańsyq bolyp kórinýi múmkin.
Osyndai bir-eki aýyzarashardan keiin munyń bári qalypty dúniege ainalýy shart.
Kerek deseńiz, Aqordanyń qaqpasynyń aldyna baryp, elordalyq búldirshinder «Jarapazan» aityp, Toqaev búldirshinderdiń qaltasyna táttige toltyryp jatsa, taǵy da tańqalmańyz. Toqaev dástúrdi syilaityn qazaq adam dep qabyldańyz. Boldy, bitti.
Nesin aitasyz, osyǵan deiin Erdoǵannyń qarapaiym túrikterdiń úiinde aýyzasharda otyrǵan fotosyn kórip tańqalýshy edik. Endi Toqaevtyń aýyzashar bergen sýretin jelige salyp tamsanatyn boldyq.
Al aǵaiyn, niet qabyl bolsyn! Orazadan Orazaǵa esen-saý jete bereiik!
Nurlan JUMAHANOV, jýrnalist
Nurlan JUMAHANOV, jýrnalist
