2021 jylǵy Prezıdenttik jastar kadr rezervine irikteý barysyndaǵy «qabiletterdi testileý» kezeńinde mátindik testileý qorytyndysy boıynsha 8 jáne odan da joǵary bal jınaǵan úmitkerler kelesi kezeńge ótti. Olardyń nátıjeleri týraly aqparat 2021 jylǵy 4 qazan kúniniń sońyna deıin pk.rezerv.gov.kz platformasyndaǵy árbir úmitkerdiń jeke kabınetterine joldanady, – dep habarlaıdy Dalanews.kz.

Al, 2021 jylǵy 6 qazan kúni Prezıdenttik jastar kadr rezervine irikteýdiń ekinshi kezeńinde úmitkerler sandyq testileýden ótedi.

Memleket basshysynyń tapsyrmasyna sáıkes Memlekettik qyzmet isteri agenttigi 2021 jyly Prezıdenttik jastar kadr rezervine ekinshi irikteýdi júzege asyrýda.  İrikteýdiń qorytyndysy boıynsha memlekettik sektor úshin 50 rezervshi alynatyn bolady.

Prezıdenttik jastar kadr rezerviniń maqsaty – qoǵamdyq múddelerdi basshylyqqa alatyn jas talanttardy anyqtaý.

İrikteýge osy jyly 8638 adam tıisti qujat tapsyryp, tirkeýden ótti.