Mońǵolıanyń jańa prezıdenti Haltmaagıın Battýlga rezıdensıada turýdan bas tartty,  – dep habarlaıdy "Mongolıa Seıchas". Bul rezıdensıamen parlament tóraǵasy Mıeegombyn Enhbold pen premer-mınıstr Jargaltýlgyn Erdenebattyń záýlim úılerimen kórshi tur. 

Sońǵy 63 jylda Mońǵolıanyń barlyq basshysy Iýmjagıın Sedenbal, Jambyn Batmýnh, Pýnsalmaagıın Ochırbat, Nasagıın Bagabandı, Nambaryn Enhbaıar jáne Sahıagıın Elbegdorj Bogdo ýýl taýlarynyń bókterindegi kúzet qoıylǵan jerde turyp kelgen.

Basylymnyń málimetinshe, Battýlga Ortalyq poshtaǵa qarama-qarsy kishigirim úıge kóship barypty. Buljer Sedenbaldyń qysqy páteri bolǵan. Mońǵolıa prezıdenti jumysqa jaıaý barady, úıinen jumys ornyna deıingi aralyq - 400 metr.

Prezıdent ákimshiliginiń ókilderi basqa sheneýnikterdiń de úlken kólikterden bas tartyp, jumys pen ómirindegi qymbat zattardy qoldanbaıtyn bolady dep úmittenedi.  Eske salaıyq, Demokratıalyq partıadan shyqqan opozısıalyq kandıdat Battýlga 2017 jyldyń 8 shildesinde prezıdenttik saılaýdyń ekinshi týrynda 50,6 paıyz daýys jınap, jeńiske jetken edi. Gazeta.ru málimetinshe, saılanǵan memleket basshysy antıolıgarh kandıdat bolyp kóringisi keledi eken de, alaıda ózi bıznes-magnat ári Mońǵolıanyń eń baı adamdarynyń biri bolyp qalyp otyr. Onyń qyzmeti aýyl sharýashylyǵy men týrızm salalary.

 

Derekkózi: kaz.tengrinews.kz