Qasym-Jomart Toqaev jastarǵa qarata aitqan sózinde otanshyldyq sezimge, qoǵamda «Zań men tártip» ústemdigin ornatýdyń mańyzyna, «Taza Qazaqstan» ekologiialyq aktsiiasynyń ideologiialyq mánine toqtaldy, - dep habarlaidy Dalanews.kz.
Memleket basshysynyń pikirinshe, el úshin adal qyzmet etý jaýapkershilik alýdan qoryqpaityn, batyl azamattardyń qolynan keletin jumys.
"Jastarǵa barlyq múmkindikter jasalyp jatyr. Qazaqstan balalar men jastarǵa jan-jaqty qoldaý kórsetetin álemdegi az eldiń biri. Dúniege kelgen ár sábi birden ulttyq baǵdarlamalardyń qatysýshysyna ainalady. Ózderińizge málim, ekinshi jyl qatarynan Ulttyq qor tabysynyń bir bóligi balalardyń esepshotyna túsip jatyr. Kámelet jasyna tolǵanda olar jinaqtalǵan qarjyny oqýǵa nemese baspana alýǵa jumsai alady. Bes jastan asqan balalarǵa arnalǵan «Keleshek» baǵdarlamasy iske qosyldy. Bul júie ata-analar úshin óte qolaily. Sol arqyly balalarynyń bolashaqta alańsyz bilim alýyna qarajat jinaidy. Ár bala alty-jeti jastan bastap mektepte tegin bilim alady. Munyń bári – memlekettiń mindeti. Biraq álemniń barlyq elinde dál osylai emes. Bardy baǵalaý mańyzdy. Bizdiń jetistikterimiz barshylyq. Elimizde bastaýysh synyp oqýshylaryna tegin tamaq beriletin boldy. Oqýshylarymyz memleket esebinen ártúrli úiirmeler men sektsiialarǵa qatysa alady. Mektep túlekteriniń joǵary oqý ornyna nemese kolledjge grantqa túsý múmkindigi zor. Sońǵy jyldary grant sanyn aitarlyqtai ulǵaittyq. «Bolashaq» baǵdarlamasymen myńdaǵan jas shetelde bilim alýda. Olar Qazaqstanǵa kelgen soń el damýyna úles qosady. «Prezidenttik jastar kadr rezervi» suranysqa ie jobaǵa ainaldy. Keleshekte memleketti basqarýshylardyń negizgi legi osy jas mamandardan qalyptasady. Saiasi reformalar aiasynda Májilis pen máslihattarda jastar úshin arnaiy kvota engizildi. Bul ókildik bilik qyzmetine tyń serpin berdi. Osy jerge jinalǵan bilimpaz, otanshyl jastar máslihattyń nemese Parlamenttiń quramyna kiretinine, tipti Úkimette jumys isteitinine kámil senemin. Jas kásipkerler men otbasylardy qoldaýǵa airyqsha mán beriledi. Mysaly, biznesti damytýǵa jáne baspana alýǵa jeńildikpen nesie berý qarastyrylǵan. Bul balalar men jastardyń ómirden óz ornyn tabýyna jaǵdai jasaýǵa baǵyttalǵan baǵdarlamalar men jobalardyń bir parasy ǵana", – dedi Prezident.
