Astanada Digital Bridge 2025 halyqaralyq tehnologiialyq forýmy bastaldy, dep habarlaidy Dalanews.kz.
Qasym-Jomart Toqaevtyń pikirinshe, jasandy intellekt tehnologiiasyn jaýapkershilikpen qoldaný óte mańyzdy.
"Keshe Astanada Jasandy intellektini damytý jónindegi keńestiń birinshi otyrysy ótti. Jiynda bilim berý máseleleri qaraldy. Álemge tanymal sarapshylarmen birge adam kapitalyn damytý máselesi talqylandy, naqty mindetter aiqyndaldy. Eń bastysy, jasandy intellekt salasyndaǵy tuńǵysh zertteý ýniversitetin qurý týraly óte mańyzdy sheshim qabyldandy. Sondai-aq búgin Alem.ai halyqaralyq jasandy intellekt ortalyǵy óz jumysyn bastaidy. Bul ortalyqty innovatsiialar men tyń ideialardyń mekeni deýge bolady. Jalpy, Qazaqstan osy saladaǵy kez kelgen yntymaqtastyqqa ashyq. Sondai-aq biz elimizde ekinshi sýperkompiýter klasterin iske qosýdy josparlap otyrmyz. Jasandy intellekt tek igi maqsatqa qyzmet etýi kerek. Adam igiligi basty orynda turady. Alem.ai jasandy intellektini barynsha tiimdi ári etikalyq normalarǵa sai qoldanatyn jahandyq ortalyq bolýǵa tiis. Jasandy intellekt tehnologiiasyn jaýapkershilikpen qoldaný óte mańyzdy. Sondyqtan jańa ýniversitet jáne Alem.ai ortalyǵy birtutas ekojúieniń negizgi ózegi retinde qyzmet etýi kerek", - dedi Toqaev.
