Prezident Qasym-Jomart Toqaev memleket jáne qoǵam qairatkeri, akademik Tóregeldi Sharmanovtyń otbasy men jaqyn týystaryna kóńil aitý jedelhatyn joldady, - dep habarlaidy Dalanews.kz.
Memleket basshysy asa kórnekti ǵalym, Qazaq taǵamtaný akademiiasynyń prezidenti, Qazaqstannyń Eńbek Eri Tóregeldi Sharmanovtyń dúnieden ótýine bailanysty onyń otbasy men jaqyn týystaryna kóńil aitty.
– Tóregeldi Sharmanuly búkil sanaly ǵumyryn ult densaýlyǵyna arnaǵan biregei tulǵa, biik parasat iesi edi. Otandyq meditsinanyń alǵa basýyna bar qajyr-qairatyn jumsap, kóptegen igi iske bastamashy boldy. Qazaq taǵamtaný ǵylymynyń kókjiegin keńeitip, Dúniejúzilik densaýlyq saqtaý uiymy, IýNISEF jáne basqa da halyqaralyq uiymdarmen yntymaqtastyq bailanys ornata bildi. Óziniń jańasha mektebin qalyptastyryp, ulaǵatty urpaq tárbieledi. Ainalasyna syily, ǵibratty ǵumyr keshken Tóregeldi Sharmanulynyń jarqyn beinesi halqymyzdyń júreginde máńgi saqtalady. Marqumnyń imany salamat, jany jánnatta bolsyn, – dep jazylǵan jedelhatta.
